झकीर नाईकच्या विरोधात ईडीची मोठी कारवाई

Zakir Naik,Zakir Naik NGO,Islamic Research Foundation, IRF, Mumbai, ED

अंमलबजावणी संचलनालय अर्थात ईडीनं इस्लामिक रिसर्च फाऊंडेशनचा संस्थापक झाकीर नाईकवर कारवाई केली आहे. झाकीर नाईकचा एनजीओ इस्लामिक रिसर्च फाऊंडेशन (IRF) ची 18 कोटी 37 लाख रुपयांची संपत्ती जप्त करण्यात आली आहे.30 डिसेंबर 2016 रोजी ईडीनं झाकीर नाईक आणि इस्लामिक रिसर्च फाऊंडेशनविरोधात बेहिशेबी मालमत्ताप्रकरणी गुन्हा दाखल केला होता. एनआयएने 7 मार्चला झाकीर नाईकला हजर राहण्याची नोटीस बजावली होती. मात्र त्याच्या गैरहजेरीनंतर 30 मार्चला दिल्लीतील एनआयएच्या मुख्यालयात हजर राहण्याचे आदेश देण्यात आले आहेत. धार्मिक आणि वांशिक स्तरावर दोन समूहांमध्ये तेढ वाढवल्याचा आरोप झाकीर नाईकवर आहे. झाकीर नाईक आणि त्याच्या एनजीओच्या बँक खात्याशी निगडीत कागदपत्रं आणि बँक व्यवहारांच्या तपशीलांची छाननी ईडीने सुरु केली आहे. झाकीर नाईक आणि इस्लामिक रिसर्च फाऊंडेशनला यापूर्वीही अनेकवेळा समन्स बजावण्यात आलंय. तसंच दहशतवादविरोधी कायद्यानुसार गुन्हा दाखल करण्यात आला.

image_print
Total Views : 224

तुमची प्रतिक्रिया द्या

आपला ईमेल पत्ता प्रकाशित केला जाणार नाही. आवश्यक फील्ड चिन्हांकित *

मराठीत लिहा (इनस्क्रिप्ट) | इंग्रजी अक्षरातून मराठी लिहा |  Write in English |  वर्चुअल किबोर्ड