कुर्ला पश्चिमेकडे सकाळीच रेल्वेच्या हद्दीत असणारी एक 20 फुटांची भिंत अचानक कोसळली. या दुर्घटनेत एक पानवाला आणि इतर दोन असे तीन जण जखमी झाले आहेत. दरम्यान, वारंवार तक्रार करूनही रेल्वेने दुर्लक्ष केल्याचा दावा स्थानिकांकडून केला जात आहे. जखमींनी भाभा रुग्णालयात उपचारांसाठी हलवण्यात आले आहे.
कुर्ला स्थानकाबाहेर रेल्वेच्या हद्दीतली एक भिंत कोसळल्यामुळे ऐन गर्दीच्या वेळी प्रवाशांमध्ये गोंधळ उडाला. कुर्ला रेल्वे स्थानकाच्या बाजूलाच ही रेल्वेची भिंत होती. तब्बल 20 फुटांहून उंच असलेली ही भिंत अचानक कशी कोसळली? हा प्रश्न उपस्थित झाला आहे. दरम्यान, ही भिंत कोसळल्यामुळे तीन जण जखमी झाल्याचं वृत्त आहे. कुर्ला पश्चिमेकडच्या हरियाणावाला लेनवर ही भिंत होती. दरम्यान, अग्निशमन दलाच्या गाड्या घटनास्थळी पोहोचल्या असून खाली पडलेला मलबा हटवून रस्ता मोकळा करण्याचं काम सुरू आहे. जखमींना भाभा रुग्णालयात उपचारांसाठी दाखल करण्यात आले आहे.
या भिंतीच्या बाजूलाच एक पानवाल्याचा ठेला आहे. सकाळची वेळ असल्यामुळे पानवाल्याच्या ठेल्यावर मुंबईकरांची गर्दी होती. मात्र, अचानकच ही भिंत कोसळल्यामुळे सगळ्यांनाच धक्का बसला. या दुर्घटनेमध्ये पानवाल्याच्या डोक्याला दुखापत झाली असून ठेल्यावरच्याच आणखी एका व्यक्तीला पायाला जबर दुखापत झाली आहे. त्याशिवाय आणखीही एक व्यक्ती जखमी झाली असून तिच्याविषयी सविस्तर माहिती मिळू शकली नाही.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.