मागील आठवड्यात जम्मू-काश्मिरमधील बारामुल्ला जिल्ह्यातील नऊ वर्षीय मुलीवर बलात्कार करून तिची निर्घृणपणे हत्या करण्यात आली होती. याबाबत एक धक्कादायक माहिती समोर आली आहे. हा बलात्कार पीडित मुलीच्या सावत्र आई व सावत्र भावानेच घडवून आणल्याचे कळते. घरगुती वादांमुळे सावत्र आईने हा बलात्काराचा कट रचल्याचा प्रकार उघड झाला आहे. बलात्कारानंतर मुलीच्या शरिराचे कुऱ्हाडीने तुकडे करण्यात आले, तिचे डोळे काढण्यात आले, तसेच तिचा मृतदेह ओळखू येऊ नये यासाठी अॅसिड टाकून तिला जाळण्यात आले होते.
मुलीच्या वडिलांची दोन लग्नं झाली होती, त्यातील एका पत्नीचा दुसऱ्या पत्नीला राग यायचा. आपला पती दुसऱ्या पत्नीसोबत जास्त वेळ घालवतो, तिचेच ऐकतो या रागामुळे दुसऱ्या पत्नीने आपल्या सावत्र मुलीच्या हत्येचा कट रचला, अशी माहिती पोलिस अधिक्षक इम्तियाज हुसैन यांनी दिली. या प्रकरणी मुलीच्या सावत्र आई व भावासह नऊ जणांना अटक करण्यात आली आहे.
24 ऑगस्टला बारामुल्ला जिल्ह्यातील बोनियार जंगलात या मुलीचा मृतदेह भीषण अवस्थेत आढळला होता. तिच्यावर सावत्र भावाने व इतर तिघाजणांनी तिच्या सावत्र आईसमोर बलात्कार केला व त्यानंतर तिची हत्या करण्यात आली होती.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.