सोन्याचा भाव पाच वर्षातील उच्चांकी पातळीवर

सोन्याचा भाव पाच वर्षातील उच्चांकी पातळीवर

नवी दिल्ली: सोन्याला पुन्हा एकदा सोन्याचे दिवस आले आहेत. जागतिक पातळीवर सोन्याचा भाव पाच वर्षातील उच्चांकी पातळीवर पोचला आहे. अमेरिकी फेडरल रिझर्व्हने भविष्यात व्याजदरात कपात होणार असल्याचे संकेत दिले आहे. जगातील पातळीवर सोन्याचे भाव वाढल्याने भारतीय बाजारात देखील आता सोन्याच्या भावात वाढ होण्याची शक्यता आहे. सुरक्षित गुंतवणुकीचे साधन म्हणून गुंतवणूकदार आता सोन्याकडे मोर्चा वळवत आहे. 

 भारतीय बाजारात सोन्याचा भाव प्रति दहा ग्रॅमसाठी 33 हजार 774 रुपयांवर पोचला आहे. त्यात 695 रुपयांची वाढ झाली आहे. तसेच आंतरराष्ट्रीय बाजारात सोन्याचा भाव 1,387 डॉलर्स प्रति औंस झाला आहे.  अमेरिकी फेडरल रिझर्व्हने व्याजदर जैसे थे ठेवण्याचा निर्णय घेतला. मात्र येत्या काळात व्याजदरात घसरण होण्याची शक्यता आहे. परिणामी सोन्याची मागणी अचानक वाढली आहे. सराफा बाजारात सोन्याचा भाव प्रति 10 ग्रॅमसाठी 34 हजार ते  34 हजार ५०० रुपयांच्या दरम्यान राहण्याचा अंदाज या क्षेत्रातील तज्ज्ञ व्यक्त करत आहे. 

चांदीला देखील भाव: 
सोन्याबरोबरच चांदीच्या भावात देखील वाढ झाली असून प्रतिकिलो 751 रुपयांची वाढ झाली आहे. चांदी आता प्रतिकिलो 38 हजार 055 रुपयांवर व्यवहार करते आहे.

Web Title: Gold prices jump to more than 5-year high

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com