मुंबई - राष्ट्रीय वैद्यकीय कमिशन विधेयकाच्या विरोधात भारतीय वैद्यकीय संघटना (आयएमए) या खासगी डॉक्टरांच्या संघटनेने बुधवारी (ता. 31) देशव्यापी संप पुकारला आहे. त्यामुळे बुधवारी दिवसभर खासगी वैद्यकीय सेवा बंद ठेवण्यात येतील. केवळ अत्यावश्यक सेवेत डॉक्टर सहभागी होतील. या विधेयकाच्या विरोधात खासगी वैद्यकीय सेवेतील डॉक्टरांनी एक दिवसाचे उपोषण करण्याची घोषणा केली आहे.
खासगी वैद्यकीय सेवेतील रुग्णालये आणि दवाखाने बुधवारी सकाळी 6 वाजल्यापासून गुरुवारी सकाळी 6 वाजेपर्यंत बंद ठेवले जातील. नॅशनल मेडिकल कमिशन विधेयक सोमवारी लोकसभेत संमत झाले. या विधेयकाला सुरुवातीपासूनच वैद्यकीय क्षेत्रातून विरोध होत आहे. या मुद्द्यावर आयएमएने आंदोलने केली होती. विधेयक संमत झाल्यानंतर आयएमच्या देशभरातील शाखांतर्फे निदर्शने सुरूच होती. आता आंदोलन आणखी तीव्र करण्याची वेळ आली आहे, अशी भूमिका आयएमएच्या सदस्यांनी मांडली. या विधेयकानुसार परिचारिका, फार्मासिस्ट आदी वैद्यकीय शिक्षण न घेतलेल्यांनाही रुग्णांना औषधे देण्याची मुभा देण्यात आली आहे. त्यामुळे हे विधेयक योग्य नसल्याचा दावा आयएमएने केला आहे.
Web Title: Private doctors on strike across the country today
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.