विधानसभेत आघाडीला मनसेची साथ ?

 विधानसभेत आघाडीला मनसेची साथ ?

मुंबई - आगामी विधानसभा निवडणुकीसाठी महाराष्ट्र नवनिर्माण सेनेला काँग्रेस आघाडीत सामावून घेण्यासाठी राजकीय हालचालींना वेग आला आहे. त्याचाच एक भाग म्हणून काँग्रेसचे ज्येष्ठ नेते माणिकराव ठाकरे यांनी आज राज ठाकरे यांची भेट घेतली.

लोकसभा निवडणुकीत काँग्रेस आणि राष्ट्रवादी काँग्रेसचा पराभव झाला. राज ठाकरे यांनी राज्यभरात भाजपविरोधात प्रचार केला. राज यांच्या सभांना जोरदार प्रतिसादही लाभला. मात्र, आघाडीला त्याचा फायदा उचलता आला नाही. राज्यात विधानसभा निवडणुका आता तोंडावर आल्या आहेत. महाआघाडीत मनसेचा समावेश केल्याशिवाय पर्याय नाही, असे आघाडीतील काही नेत्यांचे मत आहे. लोकसभेसाठी मात्र काँग्रेसकडून मनसेबाबत सकारात्मक प्रतिसाद नव्हता. 

आता निकालानंतर काँग्रेसचे हळूहळू मतपरिवर्तन होत आहे. मनसे, वंचित बहुजन आघाडी आदी सर्व विरोधी पक्षांना सोबत घेऊन विधानसभा निवडणुकांना सामोरे गेल्यानंतर यश मिळू शकते, असे काँग्रेस आघाडीच्या नेत्यांना वाटत आहे. त्यासाठी आतापासूनच राजकीय हालचाली सुरू झाल्या आहेत. स्वाभिमानी शेतकरी संघटनेचे नेते राजू शेट्‌टी यांनीदेखील राज यांची भेट घेतली आहे. राज यांनी राष्ट्रवादी काँग्रेसचे अध्यक्ष शरद पवार यांच्यासोबतही चर्चा केली आहे. माणिकराव ठाकरे यांनी अधिकृतपणे राज यांची केवळ सदिच्छा भेट घेतल्याचे स्पष्ट केले असले; तरी दोघांमध्ये राजकीय चर्चा झाल्याचे समजते.

Web Title: Vidhansabha Election 2019 Aghadi NCP Congress MNS manikrao thakre Politics

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com