देशातील बेरोजगारीचा दर अनपेक्षितपणे 7.6 टक्के

देशातील बेरोजगारीचा दर अनपेक्षितपणे 7.6 टक्के

नवी दिल्ली : देशातील घटत्या रोजगारांची समस्या दिवसेंदिवस उग्र रूप धारण करत असून, एप्रिल महिन्यात बेरोजगारी दर 7.6 टक्‍क्‍यांवर गेल्याचे सेंटर फॉर मॉनिटरिंग इकॉनॉमीच्या (सीएमआयई) अहवालाद्वारे उघड झाले आहे. ऑक्‍टोबर 2016 नंतर हा उच्चांकी दर असल्याचे "सीएमआयई'ने म्हटले आहे. 

मार्च महिन्यात देशातील बेरोजगारीचा दर अनपेक्षितपणे 6.7 टक्के राहिला. मात्र, एप्रिल महिन्यात त्यात लक्षणीयरीत्या वाढ झाल्याचे "सीएमआयई'चे प्रमुख महेश व्यास यांनी एका वृत्तसंस्थेशी बोलताना सांगितले. "सीएमआयई'च्या अहवालानुसार, एप्रिलमध्ये शहरातील बेरोजगारीचे प्रमाण 7.5 टक्के, तर ग्रामीण भागातील बेरोजगारीचे प्रमाण 7.7 टक्के आहे. तत्पूर्वी फेब्रुवारीत हा दर 7.2 टक्के होता. "सीएमआयई'ने जानेवारीत जाहीर केलेल्या अहवालात नोटाबंदीनंतर 2018 मध्ये 1.1 कोटी जणांना नोकऱ्या गमवाव्या लागल्याचा दावा केला होता. 

दरम्यान, देशात सध्या लोकसभेसाठी मतदान प्रक्रिया पार पडत असून, विरोधी पक्षांनी रोजगारनिर्मितीचा मुद्दा उचलून धरला आहे. अशातच जाहीर झालेली ही आकडेवारी मोदी सरकारसाठी धक्कादायक मानली जात आहे. 

Web Title: Indias April unemployment rate increases to 7.6 percent says CMIE

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com