मुंबई : पंजाब नॅशनल बँक गैरव्यवहारप्रकरणी केंद्रीय अन्वेषण विभागाने (सीबीआय) 'गितांजली ग्रुप ऑफ कंपनी'चे उपाध्यक्ष विपुल चितळीया यांना चौकशीसाठी ताब्यात घेतले आहे. कोट्यवधींच्या गैरव्यवहारात त्यांचा समावेश असल्याचा संशयावरून त्यांना सीबीआयने चौकशीसाठी ताब्यात घेतले आहे.
चितळीया यांना मुंबई विमानतळावरून ताब्यात घेण्यात आले. त्यानंतर त्यांना सीबीआयच्या बांद्रा-कुर्ला कॉम्प्लेक्स येथे चौकशीसाठी आणण्यात आले. मात्र, यामधील अन्य कोणत्याही विवरणाचा तपशील मिळाला नाही. तसेच पीएनबी गैरव्यवहारप्रकरणात चितळीया यांचा समावेश आहे का हेदेखील अद्याप स्पष्ट झालेले नाही. 12,636 कोटींच्या पीएनबी गैरव्यवहारप्रकरणी हिरे व्यावसायिक नीरव मोदी आणि त्याचा मामा मेहुल चोक्सी या दोघांवर आरोप ठेवण्यात आले आहेत.
दरम्यान, नीरव मोदी, मेहुल चोक्सी यांच्यानंतर आता विपुल चितळीया यांची सीबीआयकडून चौकशी करण्यात येणार आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.