मोहन भागवत पुण्यातील स्वयंसेवकांना काय दिला 'कानमंत्र' ?

मोहन भागवत पुण्यातील स्वयंसेवकांना काय दिला 'कानमंत्र' ?

पुणे : राष्ट्रीय स्वयंसेवक संघाचे सरसंघचालक मोहन भागवत यांनी आज (गुरुवार) सकाळी कोथरुडमधील शाखेत हजेरी लावत स्वयंसेवकांना 'कानमंत्र' दिला. भागवत सध्या पुण्याच्या खासगी दौर्‍यावर आहेत. लोकसभा निवडणुकीच्या पार्श्वभूमीवर भागवत यांनी स्वयंसेवकांना कानमंत्र दिल्याने त्याला महत्त्व प्राप्त झाले आहे.

कोथरुडमधील मयूर कॉलनीत भरणार्‍या संघाच्या शाखेत भागवत यांनी सकाळी सात वाजता हजेरी लावली. भागवत उपस्थित राहणार असल्याचा निरोप स्थानिक स्वयंसेवकांना कालच पाठविण्यात आला होता. 

कोथरुड हा भाजपचा बालेकिल्ला मानला जातो. यंदाच्या लोकसभा निवडणुकीमध्ये भाजपकडून गिरीश बापट यांना उमेदवारी देण्यात आली आहे. कोथरुडमधून बापट यांना जास्तीत जास्त मते मिळविण्यासाठी यासाठी संघ प्रयत्नशील आहे. 'यंदाच्या लोकसभा निवडणुकीमध्ये १०० टक्के मतदानासाठी संघ प्रयत्न करेल', असे विधान भागवत यांनी काही दिवसांपूर्वीच केले होते. पुण्यातील स्वयंसेवकांना भागवत यांनी काय कानमंत्र दिला, याबाबत गोपनीयता बाळगण्यात येत आहे. 

यासंदर्भात स्थानिक संघ स्वयंसेवकांशी चर्चा केली असता, 'भागवत वैयक्तिक कारणामुळे पुण्यात आले आहेत. शाखेचा नित्यनेम चुकू नये, यासाठी त्यांनी उपस्थिती लावली', असे सांगण्यात आले.

WebTitle : marathi news RSS sarsanghachalak mohan bhagwat at pune 

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com