दाभोलकर हत्या प्रकरणातील आरोपीचे कर्नाटक कनेक्शन; आरोपीचा सनातन संस्थेशी संबंध

दाभोलकर हत्या प्रकरणातील आरोपीचे कर्नाटक कनेक्शन; आरोपीचा सनातन संस्थेशी संबंध

अंधश्रद्धा निर्मूलन समितीचे अध्यक्ष डॉ. नरेंद्र दाभोलकर यांच्या हत्येप्रकरणी अटक करण्यात आलेल्या सचिन अंदुरे याने महाराष्ट्र व कर्नाटकमध्ये शस्त्र प्रशिक्षण घेतल्याने आता त्याचे कर्नाटक कनेक्शन तपासाला आणखी दिशा देणारे ठरत आहे. आणखी एक महत्वाची बाब म्हणजे अंदुरेचे सनातन संस्थेशी संबंध असल्याचे पोलिस सूत्रांनी सांगितले आहे. डॉ. नरेंद्र दाभोलकर यांच्या हत्या प्रकरणात सीबीआयने अटक केलेला दुसरा आरोपी सचिन अंदुरे याला पुणे जिल्हा सत्र न्यायालयात कडेकोट पोलिस बंदोबस्तात  आज (ता.19) हजर करण्यात आले होते. सुनावणी पूर्ण झाल्यानंतर प्रथमवर्ग न्यायदंडाधिकारी ए एस मुजुमदार यांनी आरोपी अंधुरेला 7 दिवसांची सीबीआय कोठडी सुनावली आहे.

महत्वाचं म्हणजे सीबीआयच्या वकिलांनी पोलिस कोठडीसाठी मागणी करताना न्यायालयाला सांगितले. "अंदुरे याने महाराष्ट्र व कर्नाटक मध्ये विविध भागात शस्त्र चालवण्याचे प्रशिक्षण घेतले आहे. जिथे प्रशिक्षण घेतले त्या ठिकाणी सचिनला नेऊन त्याबाबत तपास करायचा आहे. हे प्रशिक्षण कोण आयोजित करत होतं, इतर कुणाचा यात सहभाग आहे, हे तपासण्याचं काम सुरु आहे. तसेच कटातील मुख्य सूत्रधार वीरेंद्रसिंह तावडे याच्यासोबत अंदुरे याचं संभाषण आणि संपर्क झालेला आहे, असे तपास आधिकाऱ्यांनी सांगितले. तर बचाव पक्षाच्या वकिलांनी ही सीबीआयची नवी थीअरी असून आधीच्या तपासात त्यांनी सारंग अकोलकर व विनय पवार यांची नावं घेतली होती, असा युक्तिवाद केला.

सीबीआयचे विशेष वकील अॅड विजयकुमार ढाकणे व आरोपीचे वकील अॅड. प्रकाश सालसिंगीकर यांचा युक्तिवाद पूर्ण झाल्यानंतर न्यायालयाने अंदुरेला 26 ऑगस्टपर्यंत पोलिस (सीबीआय) कोठडी सुनावली.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com