साईमंदिरातील लाखोंची चिल्लर देवस्थानसाठी डोकेदुखी  

गोविंद साळुंखे
शनिवार, 15 जून 2019

शिर्डीतलं साईमंदिर म्हणजे देशभरातील लाखो भाविकांचं श्रद्धास्थान. दरवर्षी असंख्य भाविक साईंच्या चरणी लीन होतात आणि कोट्यवधीचं दान देतात. मात्र हेच दान देवस्थानसाठी डोकेदुखी ठरू लागलंय. त्याचं झालं असं, साईमंदिरात दानपात्रात लाखोंची चिल्लर जमा झाली. देवस्थानने ही चिल्लर बँकेत जमा करण्याचा प्रयत्न केला मात्र जागा नसल्यानं बँकांनी चिल्लर स्विकारण्यास नकार दिलाय. 

साईबाबा मंदिरात जमा होणारी रक्कम थोडी थोडकी नाही. ही जवळपास सात लाख रूपयांची चिल्लर आहे आणि ती मोजायची म्हंटली तर आठ-दहा कर्मचारी लागतील. शिवाय त्यांचा अख्खा दिवस जाईल. 

शिर्डीतलं साईमंदिर म्हणजे देशभरातील लाखो भाविकांचं श्रद्धास्थान. दरवर्षी असंख्य भाविक साईंच्या चरणी लीन होतात आणि कोट्यवधीचं दान देतात. मात्र हेच दान देवस्थानसाठी डोकेदुखी ठरू लागलंय. त्याचं झालं असं, साईमंदिरात दानपात्रात लाखोंची चिल्लर जमा झाली. देवस्थानने ही चिल्लर बँकेत जमा करण्याचा प्रयत्न केला मात्र जागा नसल्यानं बँकांनी चिल्लर स्विकारण्यास नकार दिलाय. 

साईबाबा मंदिरात जमा होणारी रक्कम थोडी थोडकी नाही. ही जवळपास सात लाख रूपयांची चिल्लर आहे आणि ती मोजायची म्हंटली तर आठ-दहा कर्मचारी लागतील. शिवाय त्यांचा अख्खा दिवस जाईल. 

दर आठवड्याला दोन वेळा संस्थांन मार्फत बँकेच्या अधिकाऱ्यांच्या उपस्थितीत मंगळवार आणि शुक्रवारी मंदिराच्या दानपात्रातून पैशांची मोजणी केली जाते. दरवेळी साधारणपणे दोन कोटी रुपयांच्या नोटा आणि पाच लाख रुपयांची नाणी मोजली जातात. मंदिरातली नाणी आणि रोख रक्कम देशातील आठ राष्ट्रीयीकृत बँकांमध्ये आलटूनपालटून जमा केली जाते. मात्र गेल्या काही महिन्यांपासून बँकांनी ही नाणी स्वीकारण्यास नकार दिलाय. त्यामुळे आता या चिल्लरचं करायचं काय? हाच प्रश्न साईबाबा देवस्थान समितीला पडलाय. 

WebTitle : marathi news shirdi saibaba devastha trust banks refused to take coins from trust

 


संबंधित बातम्या

Saam TV Live