कॉंग्रेस-राष्ट्रवादीतील अनेक आमदार भाजप आणि शिवसेनेमध्ये येण्यासाठी इच्छुक - चंद्रकांत पाटील

सकाळ न्यूज नेटवर्क
शुक्रवार, 19 जुलै 2019

सोलापूर - कॉंग्रेस-राष्ट्रवादीतील अनेक विद्यमान आमदार भाजप, शिवसेनेमध्ये येण्यासाठी इच्छुक आहेत. येत्या आठ ते दहा दिवसांत अनेक इच्छुक आमदार राजीनामा देऊन भाजपात प्रवेश करतील, असा गौप्यस्फोट भाजपचे नवे प्रदेशाध्यक्ष, महसूलमंत्री चंद्रकांत पाटील यांनी आज केला. पण ते आमदार कोण हे विचारता, ते गुपित आहे, गुपितच राहू द्या, असे ते म्हणाले. 

सोलापूर - कॉंग्रेस-राष्ट्रवादीतील अनेक विद्यमान आमदार भाजप, शिवसेनेमध्ये येण्यासाठी इच्छुक आहेत. येत्या आठ ते दहा दिवसांत अनेक इच्छुक आमदार राजीनामा देऊन भाजपात प्रवेश करतील, असा गौप्यस्फोट भाजपचे नवे प्रदेशाध्यक्ष, महसूलमंत्री चंद्रकांत पाटील यांनी आज केला. पण ते आमदार कोण हे विचारता, ते गुपित आहे, गुपितच राहू द्या, असे ते म्हणाले. 

भाजपच्या प्रदेशाध्यक्षपदी निवड झाल्यानंतर मंत्री पाटील हे पहिल्यांदाच सोलापूरच्या दौऱ्यावर आले. त्यानंतर त्यांनी पत्रकारांशी संवाद साधला. तुम्ही भाजपचे प्रदेशाध्यक्ष झालात म्हणजे मुख्यमंत्रिपदावरचा दावा संपला का? असा प्रश्न विचारता तेव्हा ते म्हणाले, काम करत राहायचे, पदे अनपेक्षितपणे मिळतात. आज प्रदेशाध्यक्ष झालो, पाच वर्षापूर्वी मंत्री झालो, तेव्हा मला काहीच माहीत नव्हते. मुख्यमंत्रिपदावर मी कधीही दावा केला नाही. 

आगामी निवडणुकीत युतीचा २२० जागांवर विजय होईल, असा पुनरुच्चारही त्यांनी केला. विधानसभेनंतर मुख्यमंत्री कोणाचा? या प्रश्नावर बोलताना पाटील म्हणाले मुख्यमंत्रिपदाबाबत केंद्रीय गृहमंत्री अमित शहा, मुख्यमंत्री देवेंद्र फडणवीस, शिवसेना पक्षप्रमुख उद्धव ठाकरे या तिघांचे काय ठरले आहे हे या तिघांनाच माहीत असून, आपल्या कार्यकर्त्यांना उभारी देण्यासाठी शिवसेना आणि भाजप या पदावर दावा करत आहेत. त्यात चुकीचे काही नाही, असेही ते म्हणाले.

Web Title: MLA Entry in BJP Chandrakant Patil Politics


संबंधित बातम्या

Saam TV Live