विरार, नालासोपारा उडवण्याचा डाव होता ?

सकाळ न्यूज नेटवर्क
शुक्रवार, 10 ऑगस्ट 2018

मुंबईच्या वेशीवरच्या विरार-वसई-नालासोपारा उडवण्याचा डाव होता का असा सवाल विचारावासा वाटतो कारण नालासोपाऱ्यातील भांडारआळी इथल्या एका घरातून दहशतवादविरोधी पथकानं मोठ्या प्रमाणावर स्फोटकांचा साठा आणि आठ गावठी बॉम्ब जप्त केलेत. या प्रकरणी वैभव राऊत याला अटक करण्यात आलीय. 

मुंबईच्या वेशीवरच्या विरार-वसई-नालासोपारा उडवण्याचा डाव होता का असा सवाल विचारावासा वाटतो कारण नालासोपाऱ्यातील भांडारआळी इथल्या एका घरातून दहशतवादविरोधी पथकानं मोठ्या प्रमाणावर स्फोटकांचा साठा आणि आठ गावठी बॉम्ब जप्त केलेत. या प्रकरणी वैभव राऊत याला अटक करण्यात आलीय. 

तीन दिवसांपासून एटीएसचं पथक वैभवच्या मागावर होतं. पुरेशी माहिती मिळाल्यानंतर गुरुवारी रात्री उशिरा त्याच्या घरावर छापा टाकण्यात आला. या छाप्यात वैभवच्या घरातून व दुकानातून जप्त करण्यात आलेल्या स्फोटकांमध्ये गन पावडर, डिटोनेटरचा समावेश आहे. हे सगळं साहित्य बॉम्ब बनविण्यासाठी वापरलं जातं. जप्त करण्यात आलेल्या सामग्रीमध्ये गन पावडर आणि डिटोनेटरचा समावेश आहे. त्यांच्यापासून दोन डझनहून अधिक बॉम्ब बनविता येऊ शकतात. 
वैभव राऊत हा सनातन संस्थेचा साधक असल्याचा संशय आहे. 'सनातन'नं मात्र वैभव हा आमचा साधक नसल्याचं स्पष्ट केलंय.

वैभव राऊतने ही स्फोटके का आणि कशी जमा केली? याबाबतची माहिती अद्याप मिळालेली नाही. विशेष म्हणजे सामग्री सापडल्याने या घटनेची तीव्रता अधिक वाढली आहे. 
एटीएसचं पथक काही दिवसांपासून वैभव राऊतवर सतत पाळत ठेऊन होतं. शेवटी गुरुवारी रात्री त्याच्या घरी धाड टाकून त्याला ताब्यात घेण्यात आलं. मात्र ही स्फोटकं वैभवनं घरात का ठेवली होती?, ती कुठून आणली होती? त्याचा कसा वापर केला जाणार होता? या प्रश्नांची उत्तरं आता पोलिस शोधतायंत.


संबंधित बातम्या

Saam TV Live