चिकनपेक्षा वांगी महाग

चिकनपेक्षा वांगी महाग


 नवी पेठ भाजी बाजारात बुधवारी पंढरपुरी देशी वांग्याचा दर एका किलोला १०० ते १२० रुपये होता, तर पोल्ट्रीचालकांकडून चिकन विक्रेत्यांना सध्या ७० ते ९० रुपये प्रतिकिलो ठोक दराने ब्रॉयलर कोंबडीची विक्री केली जात आहे. मागील काही दिवसांपासून चिकनपेक्षा देशी वांग्याला जादा दर मिळत असल्याचे विरोधाभासी चित्र पाहावयास मिळत आहे. 

श्रावण महिना सुरू असल्याने बहुतांश लोक मांसाहाराचे सेवन टाळतात, त्यामुळे साहजिकच शाकाहारी लोकांकडून फळभाज्या व भाजीपाल्याला श्रावणात मोठी मागणी असते. मात्र ऐन पावसाळ्यातही पंढरपूर तालुक्‍यात पाऊस पडला नसल्याने पाण्याच्या कमतरतेमुळे भाज्यांचे उत्पादन घटले आहे, तर भीमा नदीला येवून गेलेल्या पुरामुळे तालुक्‍यातील नदीकाठावरील बागायती भागातील भाजीपाल्याचे मोठे नुकसान झाले आहे. आवक कमी असली तरी मागणी वाढल्याने सर्वच फळभाज्या व भाजीपाल्याचे भाव गगनाला भिडले आहेत.

याउलट श्रावण महिन्यात मांसाहाराला खवय्ये लोकांकडून मागणी कमी झाल्याने पोल्ट्री चिकनचे दर गडगडले आहेत. सध्या पोल्ट्री चालकांकडून चिकन विक्रेत्यांना ७० ते ९० रुपये प्रतिकिलो ठोक दराने ब्रॉयलर कोंबडीची विक्री केली जात आहे. तर, भाजी बाजारात पंढरपुरी देशी वांगी २५ ते ३० रुपये पाव किलो या दराने विकली जात आहेत. म्हणजे सर्व भाज्यांत देशी वांगी भाव खात आहेत.

Web Title: Brinjal more expensive than chicken

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com