लंडन : पंजाब नॅशनल बॅंक गैरव्यवहार प्रकरणातील फरार असलेला आरोपी व हिरे व्यापारी नीरव मोदी याने नव्याने दाखल केलेला जामीनअर्ज ब्रिटनमधील न्यायालयाने आज फेटाळून लावला. न्यायालयाने नीरवला आत्तापर्यंत पाच वेळा जामीन नाकारला आहे. यावेळी नीरव मोदीने न्यायालयासमोर पोकळ धमकी देत जर भारताकडे आपलं प्रत्यार्पण केलं तर आपण आत्महत्या करू असे म्हटले आहे. आपल्याला तरूंगात अन्य कैद्यांकडून मारहाणदेखील करण्यात आल्याचेही त्याने म्हटले आहे.
नीरवच्या वकिलांनी नव्याने दाखल केलेल्या जामीन अर्जावर येथील न्यायालयात सुनावणी झाली. नीरव हा अस्वस्थता आणि निराशेने ग्रासला असल्याने त्याला जामीन मंजूर करावा, अशी विनंती नीरवच्या वकिलांनी न्यायालयाकडे केली. मात्र, नीरवला जामीन देण्यास न्यायालयाने नकार दिला.
नीरव हा सात महिन्यांपासून लंडनमधील वांड्सवर्थ तुरुंगात आहे. लंडन पोलिसांनी त्याला 19 मार्च रोजी अटक केली होती. वेस्टमिनिस्टर न्यायदंडाधिकाऱ्यांच्या न्यायालयात जामीनअर्जावरील सुनावणीसाठी नीरव बुधवारी हजर होता.
पंजाब नॅशनल बॅंक गैरव्यवहारप्रकरणी नीरवचे प्रत्यार्पण करण्याची मागणी भारताने ब्रिटनकडे केली आहे. त्यानंतर लंडन पोलिसांनी नीरवला अटक केली होती. नीरवने भारताकडे प्रत्यार्पणाच्या कारवाईला आव्हान दिले आहे.
Web Title: Nirav Modi denied bail for a third time, to remain in unliveable UK jail
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.