बुलढाणा - मेहेकर तालुक्यातील मांडवा समेट डोंगर या गावातील 12 गाई चरत असताना अचानक मृत्युमुखी पडल्या आहेत. या घटनेने गावात एकच खळबळ उडाली आहे. ही बाब गावकऱ्यांच्या लक्षात येताच पशु वैद्यकीय अधिकाऱ्यांना तातडीने माहिती देण्यात आली. त्यानंतर पशु वैद्यकीय अधिकारी व टीम यांनी घटनास्थळी जाऊन गाईंची तपासणी केली असता या सर्व गाई विषबाधे मुळे मृत्युमुखी पडल्या असाव्यात असा प्राथमिक अंदाज पशु वैद्यकीय अधिकाऱ्यांनी वर्तविला आहे.
हे देखील पाहा -
या सर्व गाईचे शवविच्छेदन करण्यात येणार असून अहवाल आल्या नंतर गाईंचा मृत्यू कश्याने झाला हे स्पष्ठ होईल असे पशु वैद्यकीय अधिकाऱ्यांनी सांगितले. ग्रामीण भागात एवढ्या संख्येने गाईंचा मृत्यू होणे हे संशयास्पद असल्याचे ग्रामस्थानचे म्हणणे आहे. यामुळे शेतकऱ्यांचे आर्थिक नुकसान झाले आहे. ही घटना कोणी घडविली की घडली याचा शोध पोलिसांनी घ्यावा अशी मागणी सुद्धा करण्यात आली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.