सांगली : सांगलीच्या आटपाडी कृषी उत्पन्न बाजार समितीच्या सौदे बाजारात डाळींबाला प्रति किलो 255 रुपये इतका दर मिळाला आहे. चालू हंगामातील हा दर उच्चांकी ठरला असून शेतकऱ्यांमध्ये आनंदाचे वातावरण आहे.
हे देखील पहा -
आटपाडी कृषी उत्पन्न बाजार समिती मध्ये मंगलमूर्ती फ्रुट सप्लायर्सच्या अडतीमध्ये सांगोला तालुक्यातील शेतकरी सचिन यांच्या चांगल्या प्रतीच्या डाळिंबाला हा दर मिळाला आहे. तर त्या खालोखाल दुसऱ्या प्रतीच्या डाळिंबाला 160 रुपये प्रति किलो दर मिळाला आहे. बाजार समितीचे संचालक पंढरीनाथ नागणे यांनी चालू हंगामात हा दर सर्वोच्च असल्याचे सांगितले.
गतवर्षी झालेली अतिवृष्टी, चालू वर्षी सतत झालेला पाऊस, तेल्या, मर रोगाचा वाढता प्रादुर्भाव यामुळे डाळींब संकटात सापडले आहे. त्यातच कोरोना, लॉकडाऊन याचा फटका शेतकऱ्यांना बसला आहे. परिणामी डाळिंबाच्या उत्पादनात घट झाली आहे. शिवाय त्यामुळेही डाळिंब विक्रीला गती मिळत आहे. त्यामुळे हा दर येणाऱ्या कालावधीत आणखी वाढण्याची शक्यता व्यक्त करण्यात येत आहे.
Edited By : Krushnarav Sathe
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
