बीड : सौरपंप चोर टोळीचा गेवराई पोलिसांना केला पर्दाफाश

सिनेस्टाईल पाठलाग करत तिघांच्या आवळल्या मुसक्या; तर 10 लाखांचा मुद्देमाल केला जप्त...
बीड : सौरपंप चोर टोळीचा गेवराई पोलिसांना केला पर्दाफाश
बीड : सौरपंप चोर टोळीचा गेवराई पोलिसांना केला पर्दाफाशSaamTvNews

बीड : सौरपंप चोरणाऱ्या टोळीचा बीडच्या गेवराई पोलिसांना पर्दाफाश केलाय. सिनेस्टाईल पाठलाग करत, तिघांच्या मुसक्या आवळत तब्बल 10 लाख रुपयांचा मुद्देमाल पोलिसांनी जप्त केलाय. बीडच्या (Beed) गेवराई तालुक्यात गेल्या अनेक दिवसांपासून शेतकर्‍यांच्या विहिरीवर बसवण्यात आलेल्या सौर ऊर्जा पंप (Solar Water Pump) चोरीच्या प्रमाणात दिवसेंदिवस वाढ झाली आहे. या प्रकरणी गेवराई पोलीस ठाण्यात तालुक्यातील विविध ठिकाणचे गुन्हेही दाखल झालेले आहेत. दरम्यान गेल्या अनेक महिन्यांपासून पोलीस या चोरट्यांच्या मागावर होते.

हे देखील पाहा :

यादरम्यान, पोलिसांना मिळालेल्या माहितीवरून, कर्मचारी विठ्ठल देशमुख यांना, गेवराई परिसरात एक संशयीत सौर ऊर्जाचे साहित्य घेऊन जाणारे ट्रॅक्टर (Tractor) आढळून आल्यानंतर, त्यानी ट्रॅक्टरचा पाठलाग करण्यास सुरुवात केली. यावेळी ट्रॅक्टर सुसाट वेगाने कच्च्या रस्त्याने निघाले असतांना, पोलिसांनी (Police) त्याचा फिल्मी स्टाईल पध्दतीने पाठलाग केला. यानंतर पोलीस पाठलाग करायचा सोडत नसल्याने, चोरट्याने ट्रॅक्टर सोडून पळ काढला.

बीड : सौरपंप चोर टोळीचा गेवराई पोलिसांना केला पर्दाफाश
अंबाजोगाईच्या स्वाराती रुग्णालयाचा होणार कायापालट; 15 कोटी मंजूर

मात्र, यात पोलिसांनी ट्रॅक्टरसह चोरीचे साहित्य व एक आरोपी ताब्यात घेतला असून यानंतर त्याच्या मोबाईल कॉल डीटेल्स वरून आणखी दोन आरोपींना पोलिसांनी ताब्यात घेत या टोळीच्या मुसक्या आवळल्या आहेत. याप्रकरणी गेवराई (Georai) पोलीस ठाण्यात गुन्हा दाखल करण्यात आलाय. दरम्यान, यामुळे आता जिल्ह्यातील सौरपंप चोरीच्या (Theft) घटना आणि गुन्हे उघडकीस येण्याची शक्‍यता वर्तवली जात आहे.

Edited By : Krushnarav Sathe

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.