बुलढाणा जिल्ह्यात (Buldhana District) सहा सप्टेंबरच्या रात्रीपासून सर्वदूर मुसळधार पावसाला सुरुवात झाली आहे, ज्यामध्ये आज पर्यंत बुलढाणा तालुक्यात 47 मिलिमीटर पावसाची नोंद करण्यात आली, मात्र सर्वाधिक पैनगंगा नदीचा उगम असलेल्या पाडळी परिसरात 24 तासात 184 मिलिमीटर पावसाची नोंद करण्यात आली आहे.
पैनगंगा नदीला मोठा पूर आल्याने या नदीकाठी शेतामध्ये पुराचे पाणी शिरले आहे, त्यामुळे उभ्या पिकांचे मोठे नुकसान झाले आहे. या सर्व नुकसानीची तात्काळ पाहणी करून सर्वेक्षण करण्याचे निर्देश आमदार संजय गायकवाड यांनी दिले होते, त्यानुसार संबंधित विभागाने झालेल्या नुकसानीचा तात्काळ सर्वे करण्यास सुरुवात केली आहे.
ज्यामध्ये बुलडाणा तालुक्यातील सात महसूल मंडळातील 18 गावांचे मोठे नुकसान झाले असून 950 शेतकऱ्यांचे 600 हेक्टर क्षेत्रफळ प्रभावित झाले आहे. या सर्व नुकसानीची शासनाने शेतकऱ्यांना तात्काळ मदत करावी अशी मागणी आता शेतकरी वर्गातून केली जात आहे. त्याचबरोबर प्रशासनाकडून जिल्ह्यात इतर ठिकाणी झालेल्या नुकसानीचे सर्वे देखील युद्धपातळीवर करण्यात येत आहे.
Edited By: Pravin Dhamale
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.