Buldhana News : संकट जणू काही शेतकऱ्यांच्या (farmers) पाचवीलाच पुजलय की काय असा प्रश्न सध्या उभा राहत आहे. त्याच कारणंही तसचं आहे. आधी अस्मानी संकट आणि नंतर सुलतानी संकट. याच फेऱ्यात शेतकरी यंदा अडकला आहे असं दिसत आहे. मोठ्या मेहनतीने लागवड केलेली टोमॅटोची बाग, भर उन्हात पाणी देऊन, मशागत करून उभी केली. मात्र उत्पन्नाच्या काळात टोमॅटोला फक्त दीड ते दोन रुपये किलोचा भाव (tomato price drops) मिळत असल्याने शेतकरी पुन्हा हवालदील होताना दिसत आहे. (Maharashtra News)
बुलढाणा (buldhana) जिल्ह्यातील टोमॅटो उत्पादक शेतकरी आता आर्थिक अडचणीत सापडले आहेत. किलोला दीड ते दोन रुपये भाव मिळत असल्याने उत्पादन खर्च तर सोडाच पण टोमॅटो तोडणीचा खर्चही निघत नसल्याने टोमॅटो शेतातच वाढत्या तापमानामुळे खराब होऊ लागला आहे.
यामुळे शेतक-यांनी टोमॅटो (tomato) तोडणी सोडून दिली आहे. हजारो रुपये टोमॅटो लागवडीसाठी खर्च करूनही शेतकऱ्यांना भावा अभावी शेतातच टोमॅटो सोडून द्यावे लागत आहे. शासनाने अशा भाजीपाला उत्पादक शेतकऱ्यांसाठी अनुदान जाहीर करावे अशी मागणी शेतकरी करु लागले आहेत.
टोमॅटो उत्पादक शेतकरी मधुकर शिंगणे यांनी देखील टोमॅटोला उत्पादनापेक्षा अत्यंत कमी दर मिळत असल्याने सरकारनेच शेतक-यांच्या मदतीला धावलं पाहिजे असे नमूद केले.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
