
बुलढाणा : जिल्ह्यातील संत्रा बागेवर रेड माईट रोगाने हल्ला चढवीला असून संत्रा उत्पादक शेतकऱ्यांचे (Farmer) लाखोंचे नुकसान होत आहे. लोणार (Lonar) तालुक्यातील कारेगाव येथील विठ्ठल गायकवाड या शेतकऱ्याच्या ७ एकर संत्रा बागेतील रेड माईट रोगाने जवळपास १८ ते २० लाखांचे नुकसान झाल्याने त्यांनी सरकारने संत्रा उत्पादकांना तातडीने २ लाखांची पॅकेज जाहीर करावे, अशी मागणी केली आहे. (Letest Marathi News)
यावर्षी संत्रा बागेवर रेड माईट रोगाचा प्रादुर्भाव झाल्यामुळे ७ एकरातील संत्र्यांची फळे काळी पडल्याचे लोणार तालुक्यातील कारेगाव येथील संत्रा उत्पादक शेतकरी विठ्ठल गायकवाड यांनी सांगितले. संत्र्यांची फळं काळी पडल्याने ही फळं कोणताही व्यापारी घ्यायला तयार नाही. त्यामुळे यावर्षी लाखो रुपयांचे नुकसान होत आहे. परिणामी जिल्ह्यातील फळबाग उत्पादकांचे चित्र विचित्र झाले आहे.
काही शेतकऱ्यांनी बांधलेली शेततळी कोरडी पडली. विहिरी व बोअरवेलन्सनी तळ गाठला. तरी फळबागा वाचविण्यासाठी शेतकऱ्यानी लाखो रुपये खर्चून टँकरने पाण्याची व्यवस्था केली आहे. मात्र, दिवसेंदिवस खर्च आवाक्याबाहेर जात असल्याने शेतकरी हवालदिल झालेत. त्यातच रोगांचा प्रादुर्भाव वाढल्यामुळे समाधानकारक व चांगल्या प्रतीचे उत्पन्न मिळालेले नाही. त्यामुळे शेतकऱ्यांचे प्रचंड नुकसान झाले असून, सरकारने संत्रा उत्पादकांना तातडीने २ लाखांची पॅकेज जाहीर करावे, अशी मागणी विठ्ठल गायकवाड यांनी थेट मुख्यमंत्री एकनाथ शिंदे यांच्याकडे केली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.