कापडणे (धुळे) : कापसाच्या बाजारात पूर्वहंगामी लागवड झालेल्या कापसाची खरेदी सुरू केली आहे. श्रावण एकादशीच्या मुहूर्तावर (Cotton Price) कापसाला प्रतिक्विंटल सात हजार शंभरचा भाव मिळाला. तर जुन्या कापसाला साडेसात हजारापर्यंत भाव मिळाला आहे. मात्र दुष्काळी स्थितीत कापसाचे (Dhule) भाव दहा हजारी पार करतील, अशी शेतकऱ्याना अपेक्षा आहे. (Maharashtra News)
धुळे तालुक्यासह जिल्ह्यात कपाशीचे मोठे क्षेत्र आहे. गेल्या वर्षी कापसाच्या भावात मोठी घसरण झाली होती. बऱ्याचशा शेतकऱ्यानी (Farmer) कापसाचे भाव वाढतील या अपेक्षेने मागील वर्षीचा कापूस विकलेला नाही. या वर्षी तरी भाव वाढतील म्हणून कापसाचे क्षेत्र वाढलेले आहे. पावसाअभावी कोरडवाहू क्षेत्र करपून गेले आहे. वाढ तर एक फुटापेक्षा अधिक झालेली नाही. बागायती कपाशीचे क्षेत्र बहरलेले आहे.
व्यापाऱ्यांकडून सात हजारांवर भाव
बागायती कापसाची वेचणी सुरू झाली आहे. पूर्वहंगामी अर्ली व्हरायटीचा कापूस खरेदी करण्यासाठी इतर व्यापाऱ्यांनीही प्रतिक्विंटल साडेसहा हजारांचा भाव देत खरेदी सुरू केली आहे. या कापडाने येथे दहापेक्षा अधिक कापसाचे व्यापारी आहेत. त्यांनी खेडा पद्धतीने कापसाची खरेदी सुरू केली आहे. व्यापारी अरुण पाटील यांनी काटापूजन मुहूर्तावर प्रतिक्विंटल सात हजार शंभर रुपये याप्रमाणे कापसाची खरेदी केली.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
