Dhule News: खरीप हंगामाची तयारी; बियाणे, खत खरेदीसाठी भाव नसताना सोयाबीनची करावी लागतेय विक्री

धुळे : खरीप हंगाम तोंडावर आहे. यामुळे शेतकऱ्याची तयारी सुरू झाली आहे. हंगामाच्‍या तोंडावर बियाणे व खतांच्या खर्चासाठी (Farmer) शेतकऱ्यांना सोयाबीनला मागील वर्षाच्या तुलनेत निम्म्यावर भाव असताना (Soyabean) देखील बाजार पेठेत विकण्याची वेळ आली आहे. (Maharashtra News)

सोयाबीनचे भाव दिवसागणिक घसरू लागल्यामुळे शेतकरी चांगलाच अडचणीत आला आहे. आज ना उद्या भाव वाढतील म्हणून शेतकऱ्यांनी उत्पन्न हाती आल्याबरोबर साठवणुकीवर भर दिला. परंतु सोयाबीनचे प्रतिक्विंटल दर (Soyabean Price) वधारले तर नाहीच, अलीकडील आठवडाभरात हे दर आणखीन घसरत गेले आहेत.

निम्‍मे दरावर सोयाबीन

अशा परिस्थितीमध्ये देखील शेतकऱ्यांना साठवणूक करून ठेवलेली सोयाबीन नाईलाजास्तव बाजारामध्ये विक्रीसाठी आणावी लागत आहे. त्यामुळे बाजारपेठेत सोयाबीन विक्रीसाठी मोठ्या प्रमाणात आली असून गेल्यावर्षी सोयाबीनला मिळालेल्या भावापेक्षा निम्म्याहून अधिकचा दर हा यावर्षी सोयाबीनला कमी मिळत आहे.