धुळे : धुळे जिल्ह्यामध्ये विविध ठिकाणी शेतकऱ्यांनी आपल्या शेतातून काढून साठवणूक करून ठेवलेला कापूस चोरट्यांकडून चोरी केला जात असल्याच्या घटनांमध्ये वाढ झाली आहे. यामुळे अगोदरच अडचणीत असलेला बळीराजा संकटात सापडला आहे. (Maharashtra News)
धुळे जिल्ह्यातील साक्री व शिंदखेडा (Shindkheda) या ठिकाणी अशा प्रकारच्या घटना उघडकीस आल्या आहेत. तर धुळे (Dhule) तालुक्यातील नगाव येथे देखील शेतकऱ्याने आपल्या शेतात काढून साठवून ठेवलेला दहा ते अकरा क्विंटल कापूस (Cotton) चोरट्यांनी चोरून पोबारा केला आहे. अवकाळी पाऊस त्याचबरोबर हवामान बदलाचा वेळोवेळी फटका शेतकऱ्यांना बसत असताना या सर्व परिस्थितीवर मात करून घेतलेले कपाशी पीक योग्य भाव मिळण्याच्या आशेने शेतकऱ्यांतर्फे साठवून ठेवले आहे.
शेतकरी चिंतेत
कापूस पिकावर चोरट्यांची वक्रदृष्टी पडल्याने शेतकऱ्यांचा हाता तोंडाशी आलेला घास चोरट्यांकडून चोरी करण्यात येत असल्यामुळे शेतकऱ्यांमध्ये चिंतेचे वातावरण आहे. शेतकऱ्यांच्या शेतामधून चोरी जात असलेला शेतीमाल लवकरात लवकर पोलीस प्रशासनाने चोरट्यांच्या मुसक्या आवळून परत करावा; अशी मागणी शेतकऱ्यांतर्फे करण्यात येत आहे. तसेच या चोरट्यांचा लवकरात लवकर बंदोबस्त देखील करावा अशी मागणी शेतकऱ्यांतर्फे करण्यात येत आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.