Pandharpur : केळीचे (Banana) भाव वाढल्याने सोलापूर जिल्ह्यातील केळी उत्पादक शेतक-यांना दिलासा मिळाला आहे. माळशिरसच्या (malshiras) एका शेतक-याला केळीचा उच्चांकी दर मिळाला आहे. या शेतक-याला प्रति किलो 27 रुपये दर मिळाला आहे. हा आत्ता पर्यंतचा उच्चांकी दर मानला जात आहे. (pandharpur latest marathi news)
कोरोनाच्या दोन वर्षानंतर आखाती देशांमध्ये केळीला मागणी वाढली आहे. परिणामी केळीच्या दरात घसघसीत वाढ झाली आहे. माळशिरस तालुक्यातील नेवरे येथील शेतकरी दत्तात्रय बोबडे यांच्या केळीला प्रति किलो 27 रूपयांचा उच्चांकी दर मिळाला आहे. केळीला आता पर्यंतचा सर्वाधिक दर मिळाला आहे.
दत्तात्रय बोबडे यांची नवरे येथे चार एकर केळीची बाग आहे. त्यातून त्यांना 120 टन केळीचे उत्पादन मिळाले. त्यांची ही केळी आखाती देशांमध्ये निर्यात झाली आहे. प्रति किलो 27 रूपये दराने त्यांनी जागेवर विक्री केली. त्यातून त्यांना 32 लाखांचे उत्पन्न मिळाले.
केळी बागेसाठी त्यांना चार लाखांचा खर्च आला. हा खर्च वजा करता त्यांना अवघ्या दहा महिन्यांत 28 लाखांचा निव्वळ नफा मिळाला आहे. दरम्यान केळीला उत्तम दर मिळत असल्याने तालुक्यातील अन्य शेतकरी देखील आनंदित आहेत.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
