शेतकऱ्याच्या कांद्यावर वैऱ्याची नजर, युरिया मिश्रीत पाणी टाकल्याने नुकसान

यामुळे शेतकऱ्याचे ७० ते ८० हजारांचे नुकसान
शेतकऱ्याच्या कांद्यावर वैऱ्याची नजर, युरिया मिश्रीत पाणी टाकल्याने नुकसान
Nashik Latest Marathi News, Agriculture News in MarathiSaam Tv

नाशिक - निसर्गाच्या लहरीपणाला आणि अनियमित वीज पुरवठा असतांना देखील मोठ्या कष्टाने शेतकऱ्याने कांदा (Onion) पिकविला. पण बाजारभाव घसरल्याने शेतकऱ्यांना (Farmer) कांदा विक्री न करता चांगला बाजारभाव मिळण्याच्या प्रतिक्षेत कांदा चाळीत साठवण करुन ठेवला. मात्र कष्टाने पिकविलेल्या कांद्यावर वैऱ्याची नजर पडली आणि त्याने थेट कांदा चाळीतच युरिया मिश्रीत पाणी टाकल्याने संपूर्ण कांदा नासला. (Nashik Latest Marathi News)

हे देखील पाहा -

यामुळे शेतकऱ्याचे ७० ते ८० हजारांचे नुकसान झाल्याची माहिती समोर आली आहे. ही घटना लोणवाडे शिवारात घडली आहे. कांदा उत्पादक शेतकरी तुषार भुसे यांची लोणवाडे शिवारात शेती आहे. त्यांनी यंदा मोठ्या कष्टाने कांदा पिक घेतले. मात्र सध्या कांद्याला चांगला बाजारभाव नसल्यामुळे त्यांनी कांदा विक्री न करता चाळीत साठवणूक करण्याचा निर्णय घेतला होता.

Nashik Latest Marathi News, Agriculture News in Marathi
तोंड दाबून बुक्यांचा मार! खत विक्रेत्यांकडून शेतकऱ्यांची लयलूट

मात्र अज्ञात व्यक्तीने त्यांच्या कांदा चाळीत युरिया हे रासायनिक खत टाकल्याने संपूर्ण कांदा खराब होण्याला सुरुवात झाली आहे. यामुळे भुसे यांचे तब्बल ७० ते ८० हजार रुपयांचे नुकसान झाले आहे. याप्रकरणी भुसे यांनी तत्काळ पोलीस ठाणे गाठून मालेगाव तालुका पोलीस ठाण्यात अज्ञात व्यक्तींविरोधात गुन्हा दाखल केला असून पोलीस अधिक तपास करता आहेत.

Edited By - Shivani Tichkule

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com