नंदुरबार - जिल्ह्यातील शहादा तालुक्यातील मौजे कळंबू येथील शेतकरी Farmer नामदेव चौधरी व प्रकाश चौधरी यांच्या शेतात शहादा तालुका कृषी कार्यालयाच्या मार्फत सोयाबीन पिकाचे प्रात्यक्षिक दाखविण्यात आले. प्रात्यक्षिकात सोयाबीन Soyabean पिकाची बीजप्रक्रिया करून बीबीएफ यंत्राद्वारे कसे पेरावे? याबाबत मोजे कळंबू येथील महिला कृषी सहाय्यक शितल सोनवणे Shital Sonawane यांनी स्वतः ट्रॅक्टर Tractor चालवून यंत्राच्या साह्याने सोयाबीन बियाण्यांची पेरणी करून शेतकऱ्यांना प्रात्यक्षिके दाखवली.
सदर बीबीएफ यंत्राद्वारे रुंद वरंबा सरी पद्धतीने पेरणी करताना एकाच वेळी खतही दिले जाते या पद्धतीचा अवलंब केल्यास जमिनीतील ओलावा टिकून राहतो. त्यामुळे हेक्टरी २५ ते ३० टक्के उत्पादनात वाढ होते.
हे देखील पहा -
शेतकरी नामदेव चौधरी यांच्या शेतात बीबीएफ यंत्र व्यतिरिक्त हेक्टरी ३० किलो बियाणे लागायची परंतु कृषी विभागाच्या मदतीने बीबीएफ यंत्राद्वारे केलेल्या पेरणीत २३ किलो बियाणे लागले असून सात किलो बियाण्याची बचत झाली आहे. त्याचबरोबर पेरणी देखील योग्य अंतराने झाली आहे.
कृषी विभागाच्या मदतीने बीबीएफ यंत्राद्वारे सोयाबीन व्यतिरिक्त तूर, मूग, उडीद, मका, या पिकांची देखील पेरणी करता येते. बीबीएफ यंत्राद्वारे पेरणी केलेल्या पिकांमध्ये ओलावा टिकून राहतो, तसेच अतिवृष्टी झाल्यास पाण्याचा निचरा होण्यास मदत होते. त्यामुळे शेतकऱ्यांनी बीबीएफ यंत्राद्वारे रुंद वरंबा सरी पद्धतीने जास्तीत जास्त पेरण्या कराव्या असे आवाहन कृषी विभागाने केले आहे.
Edited By - Shivani Tichkule
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.