यवतमाळ जिल्ह्यात गारांसह मुसळधार पाऊस; शेतकरी चिंतेत

संजय राठोड

यवतमाळ: संध्याकाळ च्या सुमारास मुसळधार पावसाने (Heavy Rain) यवतमाळ जिल्ह्याच्या (Yawatmal District) काही भागात चांगलाच कहर केला असून अक्षरशः झोडपून काढले. यवतमाळ, आर्णी -पांढरकवडा , नेर, पुसद , या परिसरात एवढा पाऊस पडला की शेतात पाण्याचे डबके साचले. सोसाट्याच्या वाऱ्या सह आलेल्या पावसाने पांढरकवडा मार्गावरील जोडमोहा गावाजवळ रस्त्यावर मोठं मोठी झाड उन्मळून पडली. त्यामुळे वाहतूक विस्कळीत झाली.

गाड्यांच्या लांबच लांब रांगा लागल्या. नेर तालुक्यातील वाई हातोला, पिंपरी कलगा, आनंदनगर, टाकळी सलामी या भागात पावसा दरम्यान गारपीट झाली. पावसाळ्या दरम्यान शहरातील वीजपुरवठा खंडित झाला. या अचानक आलेल्या पावसामुळे बैल पोळा सण साजरा करणाऱ्या शेतकऱ्यांची धावपळ उडाली.

दरम्यान आज बैलपोळ्याच्या मुहूर्तावर महाराष्ट्रात अनेक ठिकाणी पावसाने जोरदार हजेरी लावली होती. या आलेल्या पावसाने महाराष्ट्रातील बळीराजा सुखावला आहे. काही दिवसांपुर्वी हवामान खात्याने बऱ्याच जिल्ह्यांना अलर्ट जारी केला होता. हवामान खात्याचा अंदाज खरा ठरला.

Edited By: Pravin Dhamale