Lightning Strike: अंगावर वीज पडून शेतकऱ्यांचा मृत्यू; मुंबईला सुरू होते उपचार

अंगावर वीज पडून शेतकऱ्यांचा मृत्यू; मुंबईला सुरू होते उपचार
Farmer Death
Farmer DeathSaam tv

कळमसरे (जळगाव) : पिंपळकोठे (ता. पारोळा) 9 सप्‍टेंबरला सायंकाळी झालेल्या वादळी पावसात (Rain) येथील बापु डीगंबर शिरसाठ (वय 44) हे पाऊस सुरु झाल्याने शेतातून सायकलीवर येत होते. या दरम्‍यान अंगावर वीज (Lightning Strike) पडल्याने ते जखमी झाले होते. त्यांचावर उपचार सुरू असताना आज (20 सप्‍टेंबर) सकाळी मुंबई (Mumbai) येथे मृत्यू झाला. (Jalgaon News Farmer Death)

Farmer Death
ठाकरे सेनेचा मेळावा सोनिया गांधी, पवारांच्‍या विचारांचा; गुलाबराव पाटलांनी साधला निशाणा

बापु शिरसाठ (Farmer) हे आपल्या शेतात कापूस पिकाला फवारणी करायला गेले होते. सायंकाळच्‍या सुमारास अचानक पाऊस, वादळ व विजाचा कडकडाट सुरु झाल्याने ते गावाकडे येऊ लागले. ते सायकलीवर येत असताना अगदी गावाजवळच त्यांच्या अंगावर वीज पडल्याने ते जखमी झाले होते. त्यांच्या मागून येत असलेल्या काही नागरीकांनी त्यांना पाहिले असता गावात येऊन ग्रामस्थांनी त्यांना तात्काळ धुळे येथे उपचारासाठी हलविले. मात्र प्रकृती गंभीर असल्याने त्यांना मुंबई येथे पुढील उपचारासाठी हलविले होते.

आर्थिक परिस्थिती जेमतेम

बापु शिरसाठ यांच्या अंगावर वीज पडल्याने त्यांच्या डोक्याला, कानाला फटका बसला होता. त्यांचा मेंदू, कान, एका बाजूच्या हात व पाय पूर्णतः निकामी झाला होता. यावेळी घरातील कर्त्या व्यक्तीवर ही परिस्थिती ओढावल्याने त्यांची पत्नी, मुले यांना अश्रू अनावर झाले होते. त्यांची आर्थिक परिस्थिती जेमतेम असल्याने गावातील ग्रामस्थांनी त्यांना सहकार्य करुन रुग्णालयात दाखल केले. मात्र आज उपचारदरम्यान त्यांचा मृत्यू झाला. आज सायंकाळी त्यांच्यावर अंत्यसंस्कार होणार असून पच्यात अपंग आई, पत्नी, दोन लहान मुले असा परिवार असून गावात सर्वत्र शोककळा पसरली आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com