अस्मानी संकट..रावेर तालुक्यावर तिसऱ्यांदा वादळी पावसाचा तडाखा

अस्मानी संकट..रावेर तालुक्यावर तिसऱ्यांदा वादळी पावसाचा तडाखा
अस्मानी संकट..रावेर तालुक्यावर तिसऱ्यांदा वादळी पावसाचा तडाखा
Heavy RainSaam tv

रावेर (जळगाव) : रावेर तालुक्यात पुन्‍हा वादळी पावसाने तडाखा दिला. गेल्‍या दोन आठवड्यात तालुक्‍यावर तिसऱ्यांदा अस्मानी संकट कोसळले आहे. शनिवारी (ता. ११) सायंकाळी विजांच्या कडकडाटात जोरदार (Rain) पाऊस झाला. मात्र तालुक्यातील पुनखेडा, खिरवड या भागात मुसळधार पावसासह वादळी वाऱ्याचा तडाख्यामुळे केळी पीक आडवे होऊन शेतकऱ्यांचे (Farmer) मोठे नुकसान झाले आहे. (jalgaon news third time heavy rain hit Raver taluka)

Heavy Rain
मी सामना वाचत नाही आणि दखल ही घेत नाही - चंद्रकांत पाटील

शनिवारी दुपारी साडेचार ते साडेपाच दरम्यान रावेर (Raver) शहरासह तालुक्यातील बहुतांश भागात वाऱ्यासह एक तास मुसळधार पाऊस पडला. तालुक्यातील पुनखेडा, पातोंडी, खिरवड शेती शिवारातील केळी पीक जमीनदोस्त होऊन उत्पादक शेतकऱ्यांचे मोठे नुकसान झाले आहे. दरम्यान, रावेर, पुनखेडा, पातोंडीदरम्यान अनेक वृक्ष उन्मळून पडल्यामुळे वाहतूक सेवा खंडित झाली आहे, तर अनेक ठिकाणी विजेच्या तारा तुटल्यामुळे वीजसेवा खंडित झाली आहे. रावेर शहरातील काही भागांत विजेच्या तारा तुटल्यामुळे वीजपुरवठा खंडित झाला आहे.

तीस हजार केळीची खोडे आडवी

पुनखेडा, पातोंडी, खिरवड, अजंदा या पट्ट्यात केळीचे मोठे नुकसान झाले आहे. अखिल भारतीय केळी (Banana) उत्पादक महासंघाचे अध्यक्ष भागवत पाटील यांच्या पातोंडी आणि अजंदा रस्त्यावरील शेतातील सुमारे ३० हजार केळीची खोडे आडवी झाली आहेत. या शिवाय नारायण धनगर, भगवान बोरसे, विलास बोरसे, जगन्नाथ बोरसे, समाधान पाचपोळे, लक्ष्मण सावळे, स्वप्नील सावळे, अशोक पाटील, हरीश पाटील, डॉ.गुलाब पाटील, विनोद पाटील, हिंमतराव पाटील, विजय पाटील, बिजलाल लवंगे, पंकज सपकाळे आदींचेही मोठे नुकसान झाले आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com