सांगली : तासगाव आणि नागेवाडी कारखान्याची थकीत बिले सोमवारपासून शेतकऱ्यांच्या खात्यावर जमा होण्यास सुरुवात होईल. त्याचबरोबर एकही शेतकऱ्यांचे पैसे बुडणार नाहीत, असा विश्वास खासदार संजयकाका पाटील यांनी येथे दिला. सांगली मध्ये आयोजित पत्रकार परिषदेत ते बोलत होते. शेतकऱ्यांची बिले देण्यास विलंब झाल्याबद्दल त्यांनी यावेळी दिलगिरी व्यक्त केली.
हे देखिल पहा
''तासगाव आणि नागेवाडी या दोन साखर कारखान्याच्या माध्यमातून शेतकऱ्यांना पैसे मिळतील यासाठी आपण प्रयत्नशील आहोत, तसेच या दोन्ही कारखान्यांच्या माध्यमातून उपपदार्थ बनवण्याचे प्रकल्प उभारण्याच्या दृष्टीने प्रयत्न सुरू आहेत. केंद्राकडूनही याला मान्यता मिळाली आहे. हे प्रकल्प उभारण्यासाठी केलेल्या गुंतवणूक यामुळे शेतकऱ्यांची बिल देण्यास विलंब झाला, त्याबद्दल आपण दिलगिरी व्यक्त करतो,'' असेही पाटील यांनी सांगितले.
''शेतकऱ्यांचे पैसे कोणत्याही परिस्थितीत बुडणार नाहीत. लवकरच या दोन्ही कारखान्यांच्या माध्यमातून उपपदार्थ निर्मितीचे प्रकल्प उभारून शेतकऱ्यांना चांगला दर देण्याचा प्रयत्न राहणार असल्याची ग्वाही संजयकाका पाटील यांनी यावेळी दिली. तसेच त्यांच्यावर करण्यात आलेल्या आरोपांचे खंडन करत कोणताही उद्योग आपण लपून केला नसल्याचेही खासदार संजयकाका पाटील यांनी स्पष्ट केले.
Edited By - अमित गोळवलकर
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
