Cotton Price: कापसाला मिळतोय भाव; साठवून ठेवलेल्‍या कापसाची पुन्हा विक्री

सागर निकवाडे

नंदूरबार : शेतकऱ्यांच्या पांढऱ्या सोन्याला योग्य भाव मिळत नसल्याने शेतकरी मोठा अडचणीत सापडला होता. त्यामुळे शेतकऱ्यांनी घरातच कापूस (Cotton) साठवणूक करून ठेवला होता. परंतु आता कापसाला चांगला दर मिळू लागल्‍याने (Farmer) शेतकरीने कापूस विक्री पुन्हा सुरू झाली आहे. (Latest Marathi News)

नंदुरबार जिल्ह्यात खरीप हंगामात एक लाख १६ हजार हेक्टरपेक्षा अधिक क्षेत्रावर लागवड करण्यात आली होती. मात्र अवकाळी पावसामुळे काही प्रमाणावर कापसाची आवक घटले होते. तर दुसरीकडे भाव मिळत नसल्याने शेतकऱ्यांमध्ये तीव्र नाराजी होती. परंतु आता समाधानकारक भाव मिळत असल्याने शेतकरी आता कापूस कापूस विक्रीकडे कल देताना दिसून येत आहे.

समाधानकारक भाव

कापसाला ७ हजार ५०० पासून ८ हजार २०० रूपयांपर्यंतच्या भाव दिला जात आहे. कापूस हंगामाच्या सुरुवातीला १२ हजाराच्या जवळपास चांगला भाव मिळाला होता. मात्र आवक वाढल्याने कापसाचे दर घसरले होते. त्यामुळे शेतकऱ्यांनी कापूस घरातच साठवणूक करून ठेवण्याच्या निर्णय घेतला होता. परंतु आता पुन्हा विक्रीसाठी कापूस बाहेर काढत असून, समाधानकारक भाव कापसाला मिळत आहे.