दोंदवाडा शेत शिवारात वीज पडून एकाचा मृत्यू, तर एक जण जखमी...

जखमीला उपचारासाठी जिल्हा ग्रामीण रुग्णालयात दाखल करण्यात आले आहे.
दोंदवाडा शेत शिवारात वीज पडून एकाचा मृत्यू, तर एक जण जखमी...
lightning strikeSaam Tv

नंदुरबार - शहादा तालुक्यातील दोंदवाडा शेत शिवारात वीज पडून एकाचा मृत्यू तर एक जण जखमी झाल्याची घटना घडली आहे. जखमीला रुग्णालयात (Hospital) दाखल करण्यात आले असून त्यांच्यावर उपचार सुरु आहे. शहादा तालुक्यातील फेस येथील रहिवासी अर्जुन पाटील यांचे शेत (Farm) शहादा तालुक्यातील दोंदवाडे येथे असलेल्या शेतात सायसिंग तडवी (वय २५ वर्षे) हा कुटुंबासह शेतात एका छोट्या झोपडीत राहत होता.

हे देखील पाहा -

शहादा तालुक्यात संध्याकाळच्या सुमारास झालेल्या वादळी वाऱ्यासह पावसात सायसिंग तडवी, पत्नी ईमा, सासू रतनी व शेतमजूर ईश्वर हे शेतात असलेल्या झोपडीत थांबलेले असताना मोठा आवाज होऊन परिसरात वीज पडल्याने सायसिंग यांचा जागीच मृत्यू झाला. शेतमजूर ईश्वर जखमी झाले आहे. जखमीला उपचारासाठी जिल्हा ग्रामीण रुग्णालयात दाखल करण्यात आले आहे.

lightning strike
Pune : भटक्या कुत्र्यांच्या हल्ल्यात चिंकारा हरणाचा मृत्यू ; आठवड्यातील दुसरी घटना

पत्नी ईमा तडवी व सासू रतनी गोमता पाडवी हे काही काळ बेशुद्ध होते. ते शुद्धीवर आल्यावर त्यांनी नातेवाईकांशी संपर्क साधला. पावसामुळे घटनास्थळी जाण्यात अडथळा येत असल्याने नातेवाईकांनी लाकडी दांडीला झोळी बांधून रस्त्यावर आणले. मंडळाधिकारी विजय सावळे, तलाठी महेश ठाकरे, निलेश मोरे यांनी पंचनामा केला. तसेच सारंखेडा पोलीस निरीक्षक राजेश शिरसाठ, सहाय्यक पोलीस निरीक्षक भगवान कोळी यांनीही पंचनामा करून मयत सायसिंग तडवी यांचा मृतदेह शवविच्छेदनासाठी पाठविण्यात आला. दरम्यान, मयताच्या वारसांना मदत मिळावी अशी मागणी करण्यात आली आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com