कांद्याने केला वांदा! मान्सूनपूर्व पावसाने कांदा उत्पादक शेतकरी अडचणीत

बीडच्या आष्टी, केज, बीड, गेवराई, परळी तालुक्यात मान्सूनपूर्व अवकाळी पावसाची हाजेरी
कांद्याने केला वांदा! मान्सूनपूर्व पावसाने कांदा उत्पादक शेतकरी अडचणीत
Beed FarmerSaam Tv

बीड - जिल्ह्यात मान्सूनपूर्व अवकाळी पावसाने दोन दिवसांपासुन हजेरी लावली आहे. यामुळं कांदा (Onion) उत्पादक शेतकऱ्याचं (Farmer) होत्याच नव्हत झालं आहे. काही ठिकाणी शेतात काढणीला आलेला कांदा भिजला आहे, तर काही ठिकाणी काढून ठेवलेला कांदा भिजला आहे. यामुळं शेतकऱ्याच मोठ नुकसान झालं आहे. वादळी वाऱ्यामुळे आंब्याचे पडून मोठ्या प्रमाणात नुकसान झाले आहे. बीडच्या आष्टी तालुक्यात कडा,डोंगरगण,दादेगाव, घाटपिंपरी, धामणगाव परिसरात अवकाळी पाऊस झाल्याने कांदा उत्पादक शेतकऱ्यांची धांदल उडाली. कांद्यासाठी केलेला खर्च निघेल की नाही? अशी चिंता आता त्यांना सतावते आहे.

हे देखील पाहा -

भिवाजी पवार या शेतकऱ्याने 3 एकर शेतीत कांदा लावला होता. काढणीला कांदा आला असतानाच अवकाळी पाऊस झाल्याने, शेतकऱ्यांचा कांदा शेतातच सडू लागला आहे. त्यातच एखादा काढण्यासाठी मजूर देखील मिळत नाही व कांद्याला भाव देखील नाही. यामुळे केलेला खर्च देखील निघेल कि नाही ? अशी चिंता भिवाजी पवार यांना सतावते आहे.

Beed Farmer
महागाईचा आणखी एक धक्का, 6 दिवसात CNGचे दर पुन्हा वाढले

तर शेतातील कांदा काढण्यासाठी लावलेल्या मजुरांना देण्यासाठी पैसे देखील नाहीत, काय करावे ? हा प्रश्न त्यांनी उपस्थित केला आहे. कांदा लावून आमचा वाटोळ झालं असं म्हणत पवार यांच्या पत्नीने देखील सांगितले. अशीच काही परिस्थिती इतरही शेतकऱ्यांची आहे, त्यामुळे शेतकऱ्यांना मदत करावी. अशी मागणी होत आहे.

Edited By - Shivani Tichkule

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com