Parbhani APMC News : परभणी जिल्ह्यातील बाजार समितीच्या सभापती आणि उपसभापती पदाच्या निवडी आज (साेमवार) आज झाल्या. परभणी कृषी उत्पन्न बाजार समितीच्या उपसभापती पदी काँग्रेसचे पंढरीनाथ घुले यांची निवड झाली आहे. या जिल्ह्यातील सोनपेठ बाजार समितीच्या सभापती पदी राष्ट्रवादीचे दशरथ सूर्यवंशी पाटील तर उपसभापती पदी उत्तम नेमाजी जाधव यांची, पाथरी बाजार समितीच्या सभापती पदी राष्ट्रवादीचे अनिल नखाते तर उपसभापती पदी लोणीचे माजी सरपंच शामभाऊ धर्मे यांची वर्णी लागली आहे. (Maharashtra News)
परभणी कृषी उत्पन्न बाजार समितीच्या (parbhani krushi utpanna bazar samiti) सभागृहामध्ये सभापती आणि उपसभापती पदाची निवड चालू होती. यावेळी महाविकास आघाडीचे सर्वच नेते कृषी उत्पन्न बाजार समितीच्या परिसरात उपस्थित होते. काही कार्यकर्त्यांनी खासदार संजय जाधव (mp sanjay jadhav) आणि आमदार डॉक्टर राहुल पाटील (mla dr rahul patil) यांना सभापती, उपसभापती पदाची निवड झाली असल्याचे सांगितल्याने नवनियुक्त सभापतींचा सत्कार करण्यासाठी सभागृहात गेले.
तेथे निवड प्रक्रिया अंतिम टप्प्यात होती पण खासदार संजय जाधव आणि आमदार डॉक्टर राहुल पाटील सभागृहात का आले यावरून कृषी उत्पन्न बाजार समितीतील भाजप सदस्यांनी आक्षेप घेतला. त्यानंतर भाजप पदाधिकारी आणि शिवसेनेच्या पदाधिकाऱ्यांत बाचाबाची झाली. यानंतर तात्काळ खासदार संजय जाधव आणि आमदार डॉक्टर राहुल पाटील हे सभागृहाच्या बाहेर आले आणि वाद निवळला.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
