Rayat Kranti Sanghatana News : दूधाच्या खरेदी दरात घसरण; रयत क्रांती संघटना आक्रमक, सरकारला दिला इशारा (पाहा व्हिडिओ)

Solapur News : राज्यातल्या दूध पट्ट्यात दूध दराचा प्रश्न गंभीर बनू लागला आहे. दुधाच्या खरेदी दरात दूध संघाने प्रति लिटर तीन रुपयांची कपात केली आहे. त्यामुळे शेतक-यांमध्ये प्रचंड असंताेष निर्माण झाला आहे. (Maharashtra News)

ग्रामीण महाराष्ट्रात दूध दराचा प्रश्न पुन्हा पेटण्याची शक्यताय. एप्रिल महिन्यापासून खासगी दूध संघांनी दुधाच्या खरेदी दरात प्रतिलिटर 3 रुपयांची कपात केलीय. उन्हाळ्यात दुधाचा तुटवडा असताना दूध संघाकडून दूध अतिरिक्त असल्याचा दावा करण्यात येतोय. दूध दर कपातीच्या निषेधार्थ रयत क्रांती संघटना रस्त्यावर उतरलीय.

उन्हाळ्यात दुधाळ जनावरांच्या चारापाण्याचा खर्च वाढतो. त्यामुळं दूध संघाने शेतकऱ्यांना (farmers) वाढीव भाव द्यावा अशी मागणी केली जात आहे. दुधाचे भाव (milk price) असेच राहिले तर अवकाळीत पीक गमावलेला शेतकरी देशोधडीला लागेल अशी भीती व्यक्त केली जात आहे.

Edited By : Siddharth Latkar