Lumpy Disease: बेडगेत लम्पीचे थैमान..मृत जनावरांच्या संख्येत वाढ

बेडगेत लम्पीचे थैमान..मृत जनावरांच्या संख्येत वाढ
Lumpy Disease
Lumpy DiseaseSaam tv

सांगली : मिरज तालुक्यातील बेडग येथे लम्पी आजाराचे थैमान वाढले आहे. अनेक जनावरे बाधीत असून जनावरांच्या (Sangli) मृत संख्येत दिवसेंदिवस वाढ होत आहे. शासकीय लसी व उपचाराअभावी संसर्गात वाढ होत असून बेडगच्या राज्यक्षेत्रीय पशू वैद्यकिय दवाखाना श्रेणी -२ मधील पशूधन पर्यवेक्षक यांच्या हलगर्जीपणामुळे (Lumpy Disease) लम्पी बाधीत जनावरांचा मृत्यू होत असून उपचारांची नोंदी नाही; अशी तीव्र नाराजी पशू पालकांच्यातून होत आहे. (Tajya Batmya)

Lumpy Disease
Jalgaon News: झोक्‍यावर बसून करत होता अभ्‍यास; अचानक झाले होत्‍याचे नव्‍हते

बेडगेमध्ये दोन दिवसामधील विजय जाधव यांची गाय, पांडूरंग वाळेकर यांचा बैल, सिद्धू पाटील यांचा बैल, नायकू माळी यांचे देशी खोंड लम्पी आजाराने बळी गेले. शासकीय पशूधन पर्यवेक्षकाच्या हलगर्जीपणा व दिरंगाईने आणखी पशूधनांचा बळी जाण्याची शक्यता नाकारता येत नाही; असे पशूपालकांनी (Farmer) मत बोलून दाखवले आहे.

तालुका पशूधन विकास अधिकारी यांचा बेडगमधील पशूधन पर्यवेक्षकांवर अंकुश नसल्याने पशूधन पर्यवेक्षक व खाजगी पशू वैद्यकिय यांचा समन्वयाचा अभाव बेडगमधील बैठकीत दिसून आला. पण याचा परिणाम म्हणून बेडगेतील लम्पी आजाराचे थैमान वाढतच चालले आहे. या सर्व प्रकारातून लम्पीसारख्या संसर्गजन्य आजारावर मात करण्यासाठी कायम स्वरूपी व अनुभवी पशुवैद्यकीय डॉक्टरांची बेडगमध्ये नेमणूक व्हावी, अशी शेतकर्‍यांची मागणी होत आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com