Soyabean Price : साेयाबीन, कापसाचा दर घसरला; काँग्रेसचा आंदाेलनाचा इशारा

- सागर निकवाडे

Soyabean Price : नंदुरबार (Nandurbar) जिल्ह्यातील कृषी उत्पन्न बाजार समितीत सोयाबीनचे दर घसरले आहे. या बाजार समितीत साेयाबीनचा दर सहाशे रुपयांनी खाली आला आहे. आता साेयबीनला (soyabean) चार हजार पाचशे ते चार हजार आठशे रुपये प्रति क्विंटलने विकले जात आहे. (Maharashtra News)

कृषी उत्पन्न बाजार समितीत कापसाचे दरही खाली आले आहेत. कापूस सात हजार पाचशे ते आठ हजार दोनशे प्रतिक्विंटलने विक्री होत आहे. त्यामुळे कापूस (cotton) आणि सोयाबीन उत्पादक शेतकरी मोठ्या प्रमाणात अडचणी सापडला आहे.

केंद्र आणि राज्यात असलेले सरकार हे व्यापाऱ्यांचे सरकार असून मागील वर्षी मोठ्या प्रमाणात सोयाबीन उपलब्ध असतानाही सरकारने मोठ्या प्रमाणात सोयाबीनचे केलेली आयात. तसेच कापसाच्या संदर्भात घेतलेले काही चुकीचे निर्णय यामुळे कापूस आणि सोयाबीन उत्पादक शेतकरी देशोधडीला लागत आहेत असा आरोप राज्याचे माजी आदिवासी विकास मंत्री केसी पाडवी यांनी केला आहे.

राज्य आणि केंद्र सरकारने याकडे लक्ष न दिल्यास आणि शेतकऱ्यांना (farmers) योग्य तो दर न दिल्यास येणाऱ्या काही दिवसात काँग्रेस पक्ष रस्त्यावर उतरून शेतकऱ्यांसाठी संघर्ष करेल असा इशारा के.सी पाडवी यांनी दिला आहे.

Edited By : Siddharth Latkar