हौसेला मोल नाही! पठ्ठ्यानं घाटातंच खेरदी केला १७ लाखाचा बैल

औरंगाबाद जिल्ह्यातील फुलंब्री तालुक्यातल्या तळेगाव इथल्या एका शेतकऱ्याने शंकरपटाच्या एका बैलाची १७ लाख ५१ हजार रुपयांत विक्री केलीये. पुणे जिल्ह्यातील एका शेतकऱ्याने हा बैल खरेदी केलाय.

एवढ्या मोठ्या रक्कमेत बैल विक्री झाल्यानं हौसेला मोल नसते याची प्रचिती आलीये. खरेदी करणारे शेतकरी हे शंकरपटाच्या क्षेत्रात सक्रिय आहेत. त्यांच्याकडे चार बैलांची जोडी, प्रत्येक शंकरपटात ते सहभागी होतात.

औरंगाबाद जिल्ह्यातील तळेगाव इथं राहणाऱ्या सांडूखान राजे खान यांनी शंकरपटाच्या दोन बैलांचा सांभाळ केला आहे. त्यातील एका बैलाची विक्री केली आहे.

शंकरपटात पहिला क्रमांक मिळवणाऱ्या या बैलांना दररोज दहा लिटर दूध, अंडे, बदाम, उडिद डाळ, शाळू ज्वारीचा चारा तसेच हिरवा चारा दिला जात होता. यामुळे या बैल जोडीने अनेक शंकरपट जिंकून दिले होते.