टोमॅटोचा दर दुप्पटीने वाढला; गृहिणींचे मंडईचे बजेट काेलमडले

मुंबई : हिरव्या भाज्यांनंतर आता टोमॅटो स्वयंपाकघरातून बाहेर पडत आहे. या पंधरवड्यात टोमॅटोचा दर दुप्पटीने वाढल्याने गृहिणींचे आर्थिक बजेट काेलमडू लागले आहे. सध्या टोमॅटो किरकोळमध्ये सुमारे ८० रुपये प्रति किलोने विकला जात आहे. पंधरवड्यापूर्वी टोमॅटोचा भाव ३० ते ४० रुपये किलो असा हाेता. पुरवठा कमी झाल्याने किरकोळ बाजारात टोमॅटोचे भाव दुप्पट झाले आहेत. हा दर आणखी वाढची शक्यता व्यापारी वर्गाने वर्तवली आहे. tomata-price-hiked-in-maharashtra-agro-news-sml80

व्यापाऱ्यांनी दिलेल्या माहितीनुसार सप्टेंबरच्या शेवटच्या दोन आठवड्यांत राज्यात झालेल्या संततधार पावसामुळे महाराष्ट्रातून टोमॅटोचा पुरवठा कमी झाला आहे. चेंबूरच्या भाजी मंडईत छाेटा टाेमॅटाे ६० रुपये किलाे, माेठा टाेमॅटाे सुमारे ८० ते ९० रुपये किलाे असे मिळत आहे.

नवरात्री असून सुद्धा भाज्यांचे दर वाढले आहेत. आता त्यापाठाेपाठ टाेमॅटाेचे दर वाढले आहेत. त्यामुळे आमचे आर्थिक बजेट काेलमडू लागले आहे. सर्वसामान्य माणसांना आता भाजी घेणे देखील परवडत नसल्याने त्यांना फार मनस्ताप हाेत आहे असे गृहिणींनी नमूद केले.

edited by : siddharth latkar