- मनोज जयस्वाल
Washim News : सोयाबीनचे दर पाच हजारांपेक्षा अधिक जात नसल्यामुळे सोयाबीन उत्पादक शेतकरी चांगलाच संकटात सापडला आहे. गेल्या वर्षीच्या खरिप हंगामाचे सोयाबीन दर वाढेल (soyabean price) या अपेक्षेने शेतक-याने (farmers) घरात साेयाबीन साठवून ठेवले. मात्र दुसरी खरीपाच्या पेरणीची वेळ आली तरीही दरात वाढ झाली नसल्याने शेतकरी चांगलाच अडचणीत आला आहे. (Maharashtra News)
वाशीमच्या बाजार समितीमध्ये सध्या कमी प्रमाणात सोयाबीन विक्रीस येतंय. त्याच प्रमुख कारण म्हणजे सोयाबीन पडलेले दर. येत्या काही दिवसात पावसाला सुरवात होणार असून शेतकरी खरिपाच्या पेरणीचे नियोजन करत आहे. मात्र, बाजार समितीमध्ये गेल्या 7 महिन्यापासून सोयाबीनचे दर जैसे थे असल्याने दिवसेंदिवस शेतकऱ्यांची धाकधूक वाढत आहे. कारण खरीपाची पेरणी नेमकी करावी तरी कशी असा प्रश्न शेतकऱ्याच्या समोर उभा आहे.
सोयाबीन दर किमान 7 हजार रुपये होतील या भाबड्या आशेने शेतक-यांनी सोयाबीन घरीच साठवून ठेवले. मात्र सोयाबीनची दरवाढ न झाल्याने शेतकऱ्यांचे खरीप पिकाच्या पेरणीचे नियोजन कोलमडणार हे निश्चित. दरवाढ न झाल्याने शेतकऱ्यांची आर्थिक कोंडी होऊन उसनवारी किवा खाजगी कर्ज काढण्याची वेळ शेतकऱ्यांवर येणार आहे.
शेती मशागतीच्या कामांना वेग आला आहे. मशागतीचा खर्च किवा मजुरीसाठी लागणाऱ्या पैशाच्या देवाणघेवाण इतक्यासाठी थोडेसे सोयबीन घेवुन शेतकरी बाजार समितीत विक्रीस आणत आहेत.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.