Soybean Price: बाजार समितीत सोयाबीनची आवक वाढली; दर मात्र कायम

मनोज जयस्वाल 

वाशिम : बाजारात सोयाबीनची आवक वाढली आहे. यात वाशिमच्या (Washim) बाजार समितीत आवक वाढली असून साधारण साडेचार हजार क्विंटल इतकी आवक झाली आहे. असे असताना सोयाबीनचे (Soybean) दर मात्र स्थिर आहेत. मागील अनेक दिवसापासून सोयाबीनचे दर पाच हजाराच्या आतच असल्याचं  चित्र आहे. (Breaking Marathi News)

सोयाबीन उत्पादक शेतकरी आता काढलेला सोयाबीन बाजार समितीत आणू लागला आहे. यामुळे वाशिम जिल्ह्यात मोठ्या प्रमाणात सोयाबीनची आवक वाढली असून कारंजा बाजार समितीत सोयाबीनला ४ हजार ९०५ रुपये प्रति क्विंटल भाव मिळाला. तर वाशिम बाजार समितीत ४ हजार ८८० रुपये प्रति क्विंटलचा दर मिळाला आहे.

आतापर्यंतची सर्वात मोठी आवक 
दरम्यान सोयाबीनची आवक मात्र वाढल्याच (Bajar Samiti) चित्र बघायला मिळाले. दोन्ही बाजार समितीत आज वाशिम बाजार समितीत ४ हजार ५०० क्विंटलची आवक झाली होती. तर कारंजा बाजार समितीतही ४ हजार ५०० क्विंटलची आवक झाली होती. ही आवक मागील काही दिवसांमधली सगळ्यात मोठी आवक असल्याची माहिती आहे.