ब्युरो रिपोर्ट, साम टीव्ही, मुंबई
केरळमधील लेस्बियन जोडप्याचे फोटोशूट सध्या सोशल मीडियावर खूप गाजत आहे.
कुटुंब आणि समाज हे दोघेही त्यांच्या विरोधात होते. चला तर मग जाणून घेऊया या अनोख्या प्रेमकथेविषयी.
दोघीही बालपणीच्या मैत्रिणी आहेत. पण त्यांचे प्रेम फुलवण्याचा हा प्रवास त्यांच्यासाठी सोपा नव्हता.
आजकाल सोशल मीडियावर लग्नाचं अनोखं फोटोशूट हा लोकांमध्ये चर्चेचा विषय बनला आहे.
केरळच्या एर्नाकुलम जिल्ह्यातील रहिवासी असलेल्या फातिमा नूरा आणि अदिला नसरीन या बालपणीच्या मैत्रिणी आहेत.
अदीला बारावीत असताना तिने आपल्या मनातल फातिमाला सांगितल. तेव्हा दोघेही सौदी अरेबियात शिकत होत्या.
मात्र हे नातं त्यांच्या घरच्यांना आवडलं नाही. त्याने या जोडप्याला फिल्मी स्टाईलमध्ये आयसोलेट केले. मग घरच्यांनी त्यांच्यासाठी वर शोधायला सुरुवात केली.
फातिमा आणि अदिलाने एकत्र जगण्याची आणि मरण्याची शपथ घेतली होती. अखेर १९ मे २०२२ रोजी दोघींनी आपापल्या घरातून पळ काढला.
घरातून पळून गेल्यानंतर फातिमा आणि अदिलाने आपल्या हक्कांसाठी केरळ उच्च न्यायालयात धाव घेतली.
जिथे ३१ मे रोजी न्यायालयाने त्यांना एकत्र राहण्याची परवानगी दिली. तेव्हापासून हे दोघं चेन्नईत एकत्र राहत आहेत.