कोमल दामुद्रे
प्रत्येक फुलाला त्याचा खास रंग, वास, आकार असतो. त्याचप्रमाणे त्या फुलाचं वैशिष्ट्य आणि महत्त्वदेखील वेगवेगळं असतं.
पिवळ्या रंगाचं मोठं टपोरं फुललेलं सूर्यफूल अनेकांचं लक्ष वेधून घेत असतं. खरं तर सूर्यफूलाचे असंख्य फायदे आहेत.
साधारणपणे सूर्यफूलांच्या बियांपासून तेल काढण्यात येते हा एकच उपयोग आपल्याला माहित आहे.
या बियाचे अनेक फायदे आहेत. या बियांमध्ये व्हिटॅमिन-ई, कॅल्शिअम, खनिजे असतात.
भाजलेल्या किंवा खारवलेल्या सूर्यफूलाच्या बिया या शरीरासाठी फायदेशीर आहेत. त्यामुळे सकाळच्या नाश्त्याच्या वेळी या बिया खाणं फायदेशीर ठरेल.
सूर्यफुलांच्या बियांमध्ये व्हिटॅमिन-ई मुबलक प्रमाणात असते. त्यामुळे केसांसाठी ते फायदेशीर ठरतं.
सूर्यफुलाच्या बिया खाल्लाने मासिक पाळीच्या वेळी होणारी चिडचिड, मूड स्विंग, पोटदुखी यासारखे त्रास कमी होतात.