कोमल दामुद्रे
शेपूचे इंग्रजीतील नाव डिल हे जुन्या जर्मन भाषेतील डिला या शब्दावरून पडले आहे.
शेपू ही भरपूर पोषणमूल्यांनी युक्त अशी बहुगुणी पालेभाजी आहे
शेपूची भाजी क आणि अ जीवनसत्त्व, कॅल्शियम, मॅग्नेशियम तसेच लोह यांनी परिपूर्ण आहे.
कॅल्शियम, मॅग्नेशियममुळे हाडे मजबूत होण्यास, तसेच लोहामुळे रक्तातील हिमोग्लोबिन वाढण्यास मदत होते.
शेपूचा सगळ्यात मोठा गुणधर्म म्हणजे पोटात वायू होऊ न देणे.
शेपूच्या बिया पचनमार्गातील बाहेरील स्तर स्वच्छ व सुरक्षित ठेवतात.
शेपूमध्ये असणाऱ्या विविध अँटीऑक्सिडंट्समुळे कर्करोग, हृदयविकार, यकृतासंबंधीचे रोग, मूत्रपिंडाचे रोग यांना प्रतिबंध होतो.
रक्तातील कोलेस्ट्रॉल कमी होण्यास मदत होते.
कॅल्शियम अधिक प्रमाणात असल्यामुळे गुडघेदुखी, हाडांची झीज टाळण्यासाठी व हाडे मजबूत राहण्यासाठी शेपूचा उपयोग होतो.
शेपू मेंदूसाठीही उत्तम समजला जातो.
शेपू आहारात ठेवल्यास रक्तातील साखरेचे प्रमाण कमी होते.
या बिया अत्यंत औषधी समजल्या जातात. या बिया म्हणजेच बाळंतिणीला दिल्या जाणाऱ्या बाळंतशोपा होय.