Priya More
ज्येष्ठ कीर्तनकार बाबा महाराज सातारकर यांचं वयाच्या ८९ व्या वर्षी निधन झालं.
बाबा महाराज सातारकर यांचं खरं नाव नीळकंठ ज्ञानेश्वर गोरे असे होते. त्यांचा जन्म 5 फेब्रुवारी 1936 रोजी सातार्यामध्ये झाला होता. (संदर्भ - मराठी विश्वकोष)
बाबा महाराज सातारकरांनी इंग्रजी माध्यमातून दहावीपर्यंतचे शिक्षण घेतले.
वारकरी संप्रदायातील प्रमुख फड म्हणून बाबा महाराजच्या घराण्याच्या सातारकर फडाचे नाव घेतले जाते.
बाबा महाराज सातारकरांच्या कुळामध्ये 135 वर्षांपासून वारकरी संप्रदायाची परंपरा आहे.
वयाच्या 8 व्या वर्षांपासून त्यांनी श्री सद्गुरू दादामहाराज यांच्या कीर्तनात अभंगांच्या चाली म्हणायला सुरूवात केली होती.
वयाच्या 11 व्या वर्षांपासून त्यांनी पुरोहितबुवा, आग्रा घराण्याचे लताफत हुसेन खाँसाहेब यांच्याकडे शास्त्रीय गायनाचे धडे घेण्यास सुरुवात केली होती.
बाबा महाराजांचं कीर्तन ऐकण्यासाठी राज्यातीलच नव्हे तर देशाच्या कानाकोपऱ्यातून भक्त मोठ्यासंख्येने यायचे.
फक्त महाराष्ट्रच नाही तर कर्नाटक, गुजरात, आंध्रप्रदेश अशा राज्यात कीर्तन – प्रवचनांचे शेकडो कार्यक्रम त्यांनी केले.
१९८६ साली लंडन येथे हिंदीतून चार प्रवचने केली. त्यानंतर अमेरिकेत बोस्टन, फिलाडेल्फिया, कॅलिफोर्निया, न्यूयॉर्क, आरलँडो याठिकाणी १४ ज्ञानेश्वरी प्रवचने त्यांनी केली आहेत.