Chetan Bodke
‘रानबाजार’ या वेबसीरीजमुळे सर्वाधिक चर्चेत राहिलेली अभिनेत्री तेजस्विनी पंडितचा आज वाढदिवस
मनोरंजन विश्वात आपली ओळख निर्माण करणाऱ्या तेजस्विनीला कधीकाळी अठरा विश्व दारिद्र्याचा सामना करावा लागला होता.
तिला पोटाची खळगी भरण्यासाठी देखील तेजस्विनीला फार काळ संघर्ष करावा लागला होता, या सर्वांवर मात करून आज ती एक यशस्वी अभिनेत्री आहे.
तेजस्विनी एका कार्यक्रमात म्हणाली की, माझ्या कुटुंबावर खूपच कर्ज होतं, ते भरण्यासाठी देखील आमच्याकडे पैसे नव्हते. तर घरात महत्वाच्या गोष्टी घेण्यासाठी ही आमच्याकडे पैसे नव्हते.
पैसे नसल्यामुळे घरातली लाईट देखील महावितरणने कापली होती. तब्बल अडीच महिने तेजस्विनीने मेणबत्तीच्या प्रकाशात दिवस काढले.
तेजस्विनीने आणि तिच्या परिवाराने घरात पैसे शिल्लक नसल्याने कोणतीच गोष्ट घरात शिल्लक नव्हती. स्टोव्हवर मैद्याची बिस्किटं बनवून संपूर्ण कुटुंब जेवलं आणि ती रात्र तशीच काढली होती.
त्यानंतर तेजस्विनीने मनात ठाम विचार केला की, कष्ट आणि मेहनत करून संपूर्ण परिस्थितीच बदलायची.
लावणी केल्यानंतर मिळालेल्या पैशांवर उदरनिर्वाह करत, कंपनीची जाहिरात करून चांगले पैसे मिळवत त्या पैशातून वीजबिल भरले होते.
अभिनयात आपले स्थान पक्के करण्यासाठी तिने अनेक गोष्टींचा सामना केला होता. तिची आई जरी ज्येष्ठ अभिनेत्री असली, तरी तिने या क्षेत्रात यायला बराच संघर्ष केला होता.