कोमल दामुद्रे
लग्न हा प्रत्येकाच्या आयुष्यातील महत्त्वाचा टप्पा असतो. यादिवसानंतर प्रत्येकाच्या जीवनाची नव्याने सुरुवात होते.
लग्नाची तयारी करताना आपण कपडे, डेकोरेशन, जेवण या सगळ्या गोष्टींची व्यवस्थितरित्या योजना करतो. परंतु, आपल्या जोडीदारांशी लग्न करण्यापूर्वी या चाचण्या करायला हव्या.
लग्न करण्यापूर्वी आपल्याला आपल्या जोडीदाराबद्दल काही गोष्टी माहित असणे गरजेचे आहे. याचा फायदा आपल्याला पुढे येणाऱ्या मानसिक तणावासाठी होऊ शकतो.
आपण STD Test करायला हवी. यामध्ये एचआयव्ही, गुप्तरोग, गोनोरिया, नागीण, हिपॅटायटीस बी व सी यांची चाचणी करायला हवी.
तसेच आपण फर्टिलिटी टेस्टही करायला हवी. ज्यामुळे आपल्या पुढील अडचणींचा वेळीच सामना करण्यास मदत होऊ शकते.
आपण रक्ताचे विकार असणाऱ्या चाचण्या अर्थात हिमोफिलिया आणि थॅलेसेमियाची चाचणी करायला हवी. ज्यामुळे त्याचा दूष्परिणाम आपल्या येणाऱ्या पिढीवर होणार नाही.
काही आजार आपल्याला आनुवंशिक मिळतात त्यासाठी उच्च रक्तदाब, मधुमेह, कर्करोग, किडनीचे आजार याची चाचणी करायला हवी.
रक्त गटातील सुसंगततेची चाचणी आपण करायला हवी ज्यामुळे आपल्याला गरोदरपणाच्या काळात कोणतीही अडचण येणार नाही.
या सगळ्या चाचण्या आपण लग्न करण्याच्या सहा महिन्यापूर्वी करायला हव्या.