Akshay Baisane | अक्षय बैसाणे
म्यानमारची प्रसिद्ध मॉडेल नांग म्वे सान (Nang Mwe San) हिला अटक करून 6 वर्षांसाठी तुरुंगात पाठवण्यात आले आहे.
लष्करी अधिकाऱ्यांनी सांगितले की, मॉडेल आणि माजी डॉक्टर नांग सॅन हिच्यावर दोन आठवड्यांपूर्वी "संस्कृती आणि सन्मानाला हानी पोहोचवण्याचा" आरोप लावण्यात आला होता. त्यामुळे तिला 6 वर्षांच्या तुरुंगवासाची शिक्षा झाली आहे.
ओन्लीफॅन्स (OnlyFans) या अॅडल्ट वेबसाइटवर या मॉडेलने न्यूड फोटो पोस्ट केल्याचे बोलले जात आहे.
नांग हिला देशाच्या इलेक्ट्रॉनिक्स व्यवहार कायद्याच्या कलम 33 (ए) अंतर्गत सोशल मीडिया साइटवर नग्न फोटो आणि व्हिडिओ शेअर केल्याबद्दल दोषी ठरवले गेले.
ही मॉडेल यंगूनच्या नॉर्थ डॅगन टाउनशिपमध्ये राहत होती. हे असे क्षेत्र आहे जेथे मार्शल लॉ लागू आहे.
मार्शल लॉ भागातील गुन्ह्यांचा आरोप असलेल्या लोकांवर लष्करी न्यायालयात खटला चालवला जातो, जिथे त्यांना वकिलाकडे जाण्यासारखे अधिकारही नाकारले जातात.
मॉडेलच्या आईने सांगितले की, ती अगोदर तिच्या मुलीशी संपर्क साधू शकत होती, मात्र आता तुरुंगात पाठवल्यानंतर तिच्याशी बोलताही येत नाही.
नांग सॅन यांनी यापूर्वीही लष्कराविरोधातील निदर्शनांमध्ये भाग घेतला होता.
असे मानले जाते की, ती म्यानमारमधील पहिली व्यक्ती आहे जिला केवळ ओन्लीफॅन्सच्या (OnlyFans) सामग्रीसाठी तुरुंगात पाठवण्यात आले आहे.
नांग सॅन एक डॉक्टर आहे. सॅनला मॉडेल व्हायचं होतं, पण आई-वडिलांच्या सांगण्यावरून ती डॉक्टर झाली.
असे असूनही ती प्रोफेशनल फोटोशूट करुन इन्स्टाग्रामवर पोस्ट करत आहे. काही लोक तिचे फोटो हॉट मानतात तर काही लोकांना ते आक्षेपार्ह वाटते.
३३ वर्षीय सॅनला तिचे फोटो इंस्टाग्रामवर शेअर करण्यास मनाई करण्यात आली होती. मात्र तसं न केल्याने तिचा वैद्यकीय परवाना रद्द करण्यात आला आहे.
एका मुलाखतीत तिने सांगितले की, महिलांना मोठ्या पदांवर पाहणे आणि महिला काय परिधान करतात या आधारे त्यांच्याबद्दल कल्पना करणे तिला आवडत नाही.