ब्युरो रिपोर्ट, साम टीव्ही, मुंबई
प्रत्येक स्त्रीचं मासिक पाळीचं चक्र तिच्या आरोग्यानुसार वेगवेगळं असतं.
साधारणपणे मासिक पाळीचं चक्र २ ते ५ या दिवसांपर्यंत असतं.काही स्त्रियांनी पहिले ३ दिवस त्रास होतो. तर, काहीना अगदी ८ दिवसांपर्यंतही हा त्रास जाणवतो.
त्यामुळे या काळात प्रत्येक स्त्रीने स्वत:च्या आरोग्याकडे आणि खासकरुन आहाराकडे विशेष लक्ष दिलं पाहिजे.
त्यातच मासिक पाळीच्या चौथ्या दिवशी डोक्यावरुन अंघोळ करावी असं म्हटलं जातं. तर, काहींच्या मते, मासिक पाळीच्या काळात केस धुवूच नये असं सांगितलं जातं.
महत्वाचे म्हणजे, अंघोळ करणे, केस धुणे वा मेकअप करणे याचा मासिक पाळीशी काहीही संबंध नाही.
उलट, या काळात केस धुणे वा नियमित अंघोळ करणे हे स्त्रियांच्या आरोग्याच्या दृष्टीने अत्यंत गरजेचं आहे.
या काळात स्त्रियांनी जास्तीत जास्त शारीरिक स्वच्छता बाळगली पाहिजे.
त्यामुळे मासिक पाळीच्या काळात कोणत्याही दिवशी केस धुतले तरी देखील त्याचा कोणताही परिणाम होत नाही. उलट ते त्यांच्या आरोग्याच्या दृष्टीने चांगलंच आहे.